MV Hondius كرۋيزدىك كەمەسىندە تىركەلگەن حانتاۆيرۋستىڭ قوعام اراسىندا كەڭىنەن تارالۋ قاۋپى تومەن دەپ باعالاندى، دەپ حابارلايدى “ادىرنا” ۇلتتىق پورتالى.
بۇل تۋرالى بۇۇ باس حاتشىسى انتونيو گۋتەرريش حابارلادى.
ول X الەۋمەتتىك جەلىسىندەگى پاراقشاسىندا اتالعان جاعدايعا قاتىستى پىكىر ءبىلدىرىپ، قازىرگى ۋاقىتتا ۆيرۋستىڭ ادام دەنساۋلىعىنا قاۋپى تومەن ەكەنىن اتاپ ءوتتى.
«دەگەنمەن، MV Hondius كەمەسىنىڭ جولاۋشىلارى مەن ەكيپاجىن قوسا العاندا، بارلىعىنىڭ قاۋىپسىزدىگىن قامتاماسىز ەتۋ ءۇشىن حالىقارالىق دەنساۋلىق ساقتاۋ سالاسىنداعى كۇش-جىگەردى ۇيلەستىرۋ ماڭىزدى»، — دەدى گۋتەرريش.
سونداي-اق بۇۇ باس حاتشىسى قازىرگى كەزدە دۇنيەجۇزىلىك دەنساۋلىق ساقتاۋ ۇيىمى جانە ۇلتتىق بيلىك ورگاندارىمەن بىرلەسىپ، حانتاۆيرۋستىڭ ىقتيمال تارالۋىن باقىلاۋ باعىتىندا ءتيىستى شارالار قابىلدانىپ جاتقانىن ايتتى.
