قۇرىلتايعا سايلاۋ وتكىزۋ شىعىنى جاڭا كونستيتۋتسيا بويىنشا وتكەن رەفەرەندۋمنان دا قىمباتقا ءتۇسۋى مۇمكىن. اتالعان رەفەرەندۋمعا 20,65 ملرد تەڭگە جۇمسالعان. بۇل تۋرالى قازاقستان رەسپۋبليكاسى ورتالىق سايلاۋ كوميسسياسىنىڭ حاتشىسى شاۆحات وتەمىسوۆ مالىمدەدى، دەپ حابارلايدى “ادىرنا”.
ء«يا، قىمباتىراق بولادى دەپ ويلايمىز. بىراق ازىرگە ناقتى سانداردى ايتا المايمىز. بارلىعى قۇرىلتاي سايلاۋىنىڭ قاشان جانە قاي كۇنى وتەتىنىنە بايلانىستى. سوعان سايكەس ەسەپتەۋلەر جۇرگىزىلەدى»، – دەدى وتەمىسوۆ جۇما كۇنى پارلامەنت پالاتالارىنىڭ بىرلەسكەن وتىرىسى كۋلۋارىندا.
ونىڭ ايتۋىنشا، قۇرىلتاي سايلاۋىنىڭ ناقتى كۇنى بەكىتىلگەننەن كەيىن عانا سايلاۋ كوميسسياسى مۇشەلەرىنىڭ ەڭبەكاقىسىن ولاردىڭ جۇمىس ىستەيتىن كۇن سانىنا قاراي ەسەپتەۋگە مۇمكىندىك تۋادى. ال سايلاۋ وتكىزۋ كەزىندەگى شىعىنداردىڭ ەڭ قوماقتى بولىگى ءدال وسى ەڭبەكاقى بولعاندىقتان، ازىرگە ناقتى سومانى اتاۋ مۇمكىن ەمەس.
