Almatyda Abai atyndaǧy Qazaq ūlttyq pedagogikalyq universitetınıŋ 1-kurs studentı universitet ǧimaratynan qūlap, köz jūmdy. Būl aqparatty oqu ornynyŋ mediaortalyǧy rastady, dep habarlaidy «Adyrna» tılşısı.
Qaiǧyly oqiǧa 6 mamyr künı taŋǧy saǧat 09:00 şamasynda bolǧan. Student 8-qabattan qūlap, oqiǧa ornynda qaza tapqan.
Universitet mälımetınşe, ol «Filosofiia» bılım beru baǧdarlamasynyŋ 1-kursynda memlekettık grant negızınde bılım alǧan.
«Universitettıŋ psihologiialyq qoldau qyzmetınıŋ deregıne säikes, student oqu jyly barysynda psihologiialyq kömekke jügınbegen jäne mamandar qabyldauynda bolmaǧan. Onyŋ psihologiialyq jaǧdaiyna qatysty eşqandai şaǧym nemese alaŋdatarlyq belgı tırkelmegen. Oqytuşylardyŋ aituynşa, student jaqsy oqyǧan, tärtıptık eskertu almaǧan», – delıngen habarlamada.
Universitet basşylyǧy marqūmnyŋ otbasymen kezdesıp, köŋıl aityp, jan-jaqty qoldau körsetuge daiyn ekenın mälımdedı.
Qazır oqiǧanyŋ män-jaiyn uäkılettı organdar anyqtap jatyr.
