سوعىس جاعدايى مەن ورمۇز بۇعازىنىڭ بلوكاداعا ۇشىراۋىنا بايلانىستى يران ساۋدانى كاسپي تەڭىزى باعىتىنا قايتا بەيىمدەۋگە ءماجبۇر بولدى. بۇل تۋرالى The National Interest جازدى، دەپ حابارلايدى «ادىرنا» ءتىلشىسى.
تەڭىز ەل ەكونوميكاسى مەن اسكەري لوگيستيكاسى ءۇشىن ستراتەگيالىق ماڭىزعا يە بولا تۇسكەن. شەتەلدىك باق مالىمەتىنشە، بۇعان دەيىن يران ساۋداسىنىڭ 90%-عا دەيىنى پارسى شىعاناعىارقىلى وتسە، سوعىس تەڭىز تاسىمالىنىڭ 95%-عا دەيىنىن توقتاتىپ، سولتۇستىك باعىتتى اسا ماڭىزدى ەتكەن.
«يران تاۋارلارى نارىقتارعا جەتۋى ءۇشىن كاسپي تەڭىزى ارقىلى وتەتىن كولىك بايلانىستارى ەندى شەشۋشى مانگە يە»، — دەلىنگەن حابارلامادا.
كاسپي تەڭىزىنىڭ بىرەگەي ستراتەگيالىق ەرەكشەلىگى بار. ول — تۇيىق سۋ ايدىنى، تەك بەس جاعالاۋلاس مەملەكەتپەن قورشالعان. سوندىقتان تەڭىز سىرتقى اسكەري-تەڭىز كۇشتەرى ءۇشىن ءىس جۇزىندە جابىق.
