الماتىدا وتكەن قازاقستان-رەسەي مەديافورۋمىندا رەسەي فەدەراتسياسى پرەزيدەنتىنىڭ ءباسپاسوز حاتشىسى دميتري پەسكوۆ ەكى ەل اراسىنداعى تاريحي جانە بولاشاققا باعىتتالعان ىنتىماقتاستىق تۋرالى پىكىر ءبىلدىردى، دەپ حابارلايدى "ادىرنا" ۇلتتىق پورتالى.
ونىڭ ايتۋىنشا، رەسەي مەن قازاقستان – ەكى تاۋەلسىز مەملەكەت بولعانىمەن، ورتاق تاريحي مۇرا مەن بىرلەسكەن دامۋ الەۋەتىنە يە.
"رەسەي مەن قازاقستان ەكى بولەك ەل، بىراق وتكەن جولى ورتاق. ەگەر ءبىز كوپ جۇمىس جاساساق، ەكى ەلدىڭ بولاشاعى جارقىن بولارىنا كۇمانىم جوق", – دەدى پەسكوۆ.
سونداي-اق ول بىرلەسكەن ىستەردى دۇرىس ۇيىمداستىرۋ جانە بارلىق سالادا ءوزارا ءتيىمدى ىنتىماقتاستىق ورناتۋ ەكى جاققا دا پايدالى ەكەنىن اتاپ ءوتتى.
"بۇل بىزگە ورتاق تاريحىمىزدى ساقتاي وتىرىپ، ءوزارا تيىمدىلىكپەن بىرگە العا جىلجۋعا جانە ەكى ەل حالىقتارى ءۇشىن پايدا اكەلۋگە مۇمكىندىك بەرەدى. ويتكەنى ەكى ەل دە ءدال وسى ءۇشىن جۇمىس ىستەيدى", – دەدى كرەمل وكىلى.
