شۆەتسيا ءوز تاريحىندا العاش رەت اسكەري بارلاۋ سپۋتنيگىن وربيتاعا شىعاردى. بۇل تۋرالى SVT تەلەارناسى مالىمدەدى، دەپ حابارلايدى “ادىرنا”.
سپۋتنيكتىڭ ۇشىرىلۋى اقش-تاعى ۆاندەنبەرگ اۋە بازاسىنان جۇزەگە اسقان. باق مالىمەتىنشە، ول رەسەي اۋماعىنداعى نىسانداردى قوسا العاندا، باقىلاۋ جۇرگىزۋگە ارنالعان بىرنەشە اپپاراتتان تۇراتىن بولاشاق جۇيەنىڭ ءبىر بولىگى بولادى.
اتالعان سپۋتنيك اسكەري بارلاۋ جانە مونيتورينگ ماقساتىندا قولدانىلاتىن جوسپارلانعان سەرياداعى العاشقى قۇرىلعى ەكەنى ايتىلدى.
ۇشىرۋ وقيعاسى اياسىندا سوڭعى جىلدارى ناتو-نىڭ رەسەيدىڭ باتىس شەكارالارىنا جاقىن ايماقتارداعى بەلسەندىلىگى ارتقانى بايقالادى. اليانس مۇنى تەجەۋ قاجەتتىلىگىمەن تۇسىندىرەدى.
ال ماسكەۋ بۇعان دەيىن وزدەرىن قاۋىپ رەتىندە قاراستىرمايتىنىن، بىراق قاۋىپسىزدىگىنە اسەر ەتۋى مۇمكىن ارەكەتتەرگە جاۋاپ بەرەتىنىن مالىمدەگەن.
