استانادا ءتورتىنشى Charity Samruk Marathon قايىرىمدىلىق شاراسى ءوتتى. مارافوننان جينالعان 250 ملن تەڭگە جاڭا وقۋ جىلىنا دەيىن ەلىمىزدەگى مەكتەپتەردە 10 ينكليۋزيانى قولداۋ كابينەتىن اشۋعا جۇمسالادى. مارافوننىڭ نەگىزگى دەمەۋشىلەرىنىڭ ءبىرى – Halyk.
«سامۇرىك-قازىنا» اق مارافونى جىل سايىن قولجەتىمدى ءبىلىم بەرۋ ورتاسىن قالىپتاستىرۋ يدەياسىن قولدايتىن قاتىسۋشىلار مەن سەرىكتەستەردى بىرىكتىرۋدە. بيىل بوتانيكالىق باقتا وتكەن جارىسقا ءار ءتۇرلى ماماندىق پەن جاستاعى 3000 ادام قاتىستى. Charity Samruk Marathon–نان جينالعان قاراجات ينكليۋزيۆتى ءبىلىم بەرۋ ينفراقۇرىلىمىن قۇرۋعا جۇمسالاتىن بولادى. الدىڭعى جارىستاردىڭ ارقاسىندا استانانىڭ 15 مەكتەبىندە ينكليۋزيۆتى قولداۋ كابينەتتەرى اشىلدى.
مارافوندى استانا اكىمدىگىنىڭ قولداۋىمەن «سامۇرىق-قازىنا» اق-نىڭ بىرىڭعاي قايىرىمدىلىق وپەراتورى - «Samruk-Kazyna Trust» قورى ۇيىمداستىردى.
«جينالعان قاراجاتقا ەرەكشە بالالارعا ارنالعان 10 جاڭا ينكليۋزيانى قولداۋ كابينەتىن اشامىز. مۇنداي جوبالاردى ءتيىمدى ىسكە اسىرۋ بويىنشا تاجىريبەمىز بەن ناقتى كوزقاراسىمىز بار. بۇگىندە وسىنداي مارافونداردان تۇسكەن قاراجات ەسەبىنەن 15 كابينەت ىسكە قوسىلدى»، – دەدى «سامۇرىق-قازىنا» اق باسقارما توراعاسى نۇرلان جاقىپوۆ.
بيىل مارافون باعدارلاماسى كەڭەيتىلىپ، ءتورت فورماتتى قامتىدى: قاتىسۋشىلار 2,5 كم، 5 كم جانە 10 كم قاشىقتىقتارعا جۇگىرۋدەن، سونداي-اق 2,5 كم قاشىقتىقتا سكانديناۆيالىق جۇرىستەن باق سىناستى. مارافونعا قاتىسۋشىلار مەن قوناقتار ءۇشىن تاقىرىپتىق ايماقتار، ماستەر-كلاسس جانە بالالارعا ارنالعان ءىس-شارالار ۇيىمداستىرىلدى.
ەكولوگياعا دا ەرەكشە كوڭىل ءبولىندى: «تازا قازاقستان» اكتسياسى اياسىندا قاتىسۋشىلار پلاستيك بوتەلكەلەر مەن ستاقانداردى وتكىزىپ، ورنىنا سىيلىقتار الدى.
قايىرىمدىلىق مارافونىنان باستاۋ العان يگى ءىس بۇگىندە ۇلكەن شاراعا اينالىپ، جالعاسىن تاپتى. سوڭعى ەكى جىلدا سەرىكتەستەر مەن قاتىسۋشىلاردىڭ قولداۋىنىڭ ارقاسىندا جارىس 335 ميلليون تەڭگە جينادى. قازىرگى ۋاقىتتا «سامۇرىق-قازىنا» كومپانيالار توبىنىڭ قولداۋىمەن استانا، اقمولا جانە اتىراۋ وبلىستارىندا 31 ينكليۋزيۆتى ورتالىق جۇمىس ىستەيدى. ولار ەرەكشە قاجەتتىلىكتەرى بار 2000-نان استام بالاعا قىزمەت كورسەتەدى.
Halyk تەك دەمەۋ كورسەتۋمەن شەكتەلمەدى: مارافونعا بانكتىڭ استانا قالالىق فيليالىنىڭ قىزمەتكەرلەرى ديليارا ومار، زارينا قىپشاقباەۆا، باعدات ەسماعامبەتوۆا، گۇلناز ورازاليەۆا، بالنۇر كۇزەمباەۆا، مارال ازىرحانقىزى، جاندوس اقجىگىت جانە دامير اسقاروۆ قاتىستى. بۇل بانكتىڭ الەۋمەتتىك ساياساتى مەن كورپوراتيۆتىك مادەنيەت ۇستانىمىنا بەرىكتىگىن كورسەتەدى. Halyk كومانداسىنىڭ مۇشەلەرى اتاپ وتكەندەي، ماراپاتتار مەن ۇزدىك ورىنداردان ماڭىزدىسى – قايىرىمدىلىق مارافونى قولجەتىمدى ءبىلىم بەرۋدى دامىتۋعا نازار اۋدارۋعا كومەكتەسەدى جانە ءاربىر بالا ءۇشىن تەڭ مۇمكىندىكتەر اشۋ جولىنداعى تاعى ءبىر قادام.
