الەۋمەتتىك جەلىدە استانالىق ەر كىسىنىڭ جول بويىنداعى جۇمىسشىعا جاساعان شابۋىلى بەينەلەنگەن ۆيدەو تارادى. وقيعاعا قاتىستى پوليتسيا جاۋاپ بەردى، دەپ حابارلايدى "ادىرنا" ۇلتتىق پورتالى.
ۆيدەو اۆتورى وقيعا ازىرباەۆ كوشەسىندە بولعانىن جازا كەتكەن. كولىكتىڭ شەتىندە تۇرعان ەر ادام جول بويىنداعى جۇمىسشىعا بىردەڭەلەر ايتىپ جاتقانى بايقالادا. كەيىن ول جۇمىسشىنى شاپ بەرىپ، جۇلقىلاپ، تىزەرلەۋگە ءماجبۇر ەتەدى.
پوست اۆتورى جانجالعا نە سەبەپ بولعانىن ايتپادى، بىراق پىكىرلەر بولىمىندە جەلى قولدانۋشىلارى ەر ادامنىڭ ارەكەتىنە قاتتى اشۋلانىپ، تاۋىپ، جازاعا تارتۋ كەرەكتىگىن ايتۋدا.
وقيعاعا قاتىستى استانا پوليتسياسى تۇسىنىكتەمە بەردى، بىراق ولار دا جانجالعا نە سەبەپ بولعانىن ايتپادى.
"الەۋمەتتىك جەلىلەرگە مونيتورينگ جاساۋ بارىسىندا جۇرگىزۋشى مەن جۇمىسشى اراسىندا جانجال بولعانىن كوردىك. پوليتسيا قىزمەتكەرلەرى ولاردىڭ كىم ەكەنىن انىقتادى. جۇمىسشى ەشقانداي شارا قولدانباۋدى وتىندى. ولارمەن سويلەسىپ، ءتۇسىندىرۋ جۇمىسى جۇرگىزىلدى", – دەپ حابارلادى استانا قالاسىنىڭ پوليتسيا دەپارتامەنتى.
پوسموترەت ەتۋ پۋبليكاتسيۋ ۆ Instagram
