الماتىدا 26 ءساۋىر كۇنى «اسىل ارمان» تۇرعىن ءۇي كەشەنىنىڭ جوعارعى قاباتتارىنداعى پاتەرلەردە ءورت شىقتى، دەپ حابارلايدى “ادىرنا”.
وقيعا ورنىنان تۇسىرىلگەن بەينەجازبا الەۋمەتتىك جەلىلەردە جاريالاندى. الدىن الا مالىمەت بويىنشا، جالىن بىرنەشە تۇرعىن ءۇيدى شارپىعان. قازىر وقيعا ورنىندا ءورت ءسوندىرۋ بريگادالارى جۇمىس ىستەپ، ءتىلسىز جاۋدى ءسوندىرۋ جۇمىستارى قارقىندى جۇرگىزىلۋدە.
ءورتتىڭ شىعۋ سەبەپتەرى ازىرگە ناقتىلانىپ جاتىر. زارداپ شەككەندەر تۋرالى اقپارات تۇسكەن جوق. قۇتقارۋ قىزمەتتەرى جۇمىسىن جالعاستىرۋدا، وقيعانىڭ ءمان-جايى تۋرالى قوسىمشا اقپارات كەيىنىرەك حابارلانادى.
ۇقساس جاڭالىقتار
