Foto: Almaty qalasynyŋ äkımdıgı
Almatyda qaldyqtardy qaita öŋdep, elektr energiiasyn öndıretın zauyt qūrylysynyŋ daiyndyq jūmystary öz märesıne jettı. Jaqyn arada Alatau audanynda qūrylys jūmystary bastalady, dep habarlaidy "Adyrna".
Strategiialyq maŋyzy bar būl joba Qytaidyŋ Junxin Environmental Protection kompaniiasynyŋ qatysuymen jüzege asyrylmaq. Zauyt qūrylysyna qūiylatyn investisiia kölemı 280 million dollardan (şamamen 130 milliard teŋge) asady.
Joba Alatau audanynda salynady jäne qalanyŋ ekologiialyq jaǧdaiyn jaqsartuǧa baǧyttalǧan zamanaui tehnologiialardy qoldanady.
Äkımdık mälımetınşe, jaŋa käsıporyn tek qoqys poligondaryn azaityp qana qoimai, qalanyŋ energiia jüiesıne qosymşa quat beredı. Zauyt arqyly täulıgıne 2 myŋ tonnaǧa deiıngı qaldyq jäne energiia jüiesı üşın 60 MVt-qa deiın quat öndırıledı.
Būl zauyt qaldyqtardy jaǧu arqyly elektr quatyn alatyn elımızdegı ırı nysandardyŋ bırı bolmaq.
