فوتو: يتار-تاسس
قىتاي ايعا ۇشاتىن جاڭا عارىش كەمەسىن جاساۋ جوباسىن جۇزەگە اسىرىپ جاتىر. بۇل تۋرالى قىتايدىڭ اەروعارىشتىق عىلىم جانە تەحنولوگيا كورپوراتسياسىنىڭ بەسىنشى عىلىمي-زەرتتەۋ ينستيتۋتىنىڭ قىزمەتكەرى شاو ليمين مالىمدەدى، دەپ حابارلايدى “ادىرنا”.
مامان اتاپ وتكەندەي، الداعى ۋاقىتتا قىتايلىقتار جەردىڭ تابيعي سەرىگى — ايدىڭ بەتىنە ءوز ىزدەرىن قالدىرادى.
“سوڭعى ەكى جىل بويى پەكين پيلوتتى ايعا بارۋ باعدارلاماسىن بەلسەندى تۇردە ىلگەرىلەتىپ كەلەدى”، دەپ ناقتىلادى شاو ليمين.
ول جاڭا عارىش كەمەسى قىتايلىق عارىشكەرلەر ءۇشىن جەردەن تىس كەڭىستىككە ۇشۋعا ارنالعان جاڭا پلاتفورما جاسايدى دەپ كۇتۋدە. بۇل مالىمدەمە قىتايدىڭ عارىشكەرلەر كۇنىنە وراي ايتىلدى، ول 24 ساۋىردە اتالىپ وتەدى.
ءوز كەزەگىندە، پەكين 2030 جىلعا دەيىن عارىشكەرلەرىنىڭ ايعا قونۋىن جوسپارلاپ وتىر. جاڭا پيلوتتى عارىش كەمەسى وسى ميسسيانىڭ باستى ەلەمەنتى بولۋى ءتيىس.
ايتا كەتسەك، قىتاي عارىشكەرلەر كۇنىن 2016 جىلدان بەرى جىل سايىن اتاپ وتەدى – بۇل كۇن 1970 جىلى «دۋنفانحۋن-1» قىتايلىق سپۋتنيگىنىڭ العاشقى ۇشىرىلۋىنا ارنالادى.
