قازاقستانداعى مۇناي-حيميا جانە وڭدەۋ سالاسىنداعى جوسپارلانعان جوبالاردىڭ جالپى بيۋدجەتى الداعى بەس جىلدا 15 ملرد دوللاردى قۇرايدى. بۇل تۋرالى باكۋدە وتكەن «كاسپي جانە ورتالىق ازيا» اتتى ەكىنشى مۇناي ساۋدا-تاسىمال فورۋمى بارىسىندا اسىلبەك جاكيەۆ مالىمدەدى، دەپ حابارلايدى «ادىرنا» ءتىلشىسى Report-قا سىلتەمە جاساپ.
قازاقستان مۇناي-گاز كەڭەسى توراعاسىنىڭ ايتۋىنشا، ەلىمىز 2030 جىلعا قاراي جىلىنا 100 ملن توننا مۇناي ءوندىرۋ ماقساتىن قويىپ وتىر. قازىرگى تاڭدا قازاقستان الەمدەگى مۇناي مەن گاز ءوندىرۋشى ەڭ ءىرى 10 ەلدىڭ قاتارىنا كىرەدى.
«الداعى بەس جىلدا مۇناي-حيميا ونىمدەرىن قالاي تاسىمالدايمىز؟ بۇل – قازىرگى تاڭداعى ەڭ ماڭىزدى ماسەلە. مىسالى قۇنى 7,6 ملرد دوللار بولاتىن پوليەتيلەن ءوندىرۋ جوباسى اياسىندا قازاقستان 1,2 ملن توننا ءونىم شىعارۋدى جوسپارلاپ وتىر. 1,1 ملرد دوللارلىق بۋتاديەن ءوندىرۋ جوباسى دا بار، ونىڭ كولەمى 900 مىڭ توننا بولادى. ازەربايجان مەن ورتا ءدالىز ءبىز ءۇشىن باسىم باعىتقا اينالادى، سەبەبى بولجام بويىنشا سولتۇستىك باعىت الداعى 5–10 جىلدا جابىق قالۋى مۇمكىن»، – دەدى جاكيەۆ.
