ماجارستاندا پارلامەنتتىك سايلاۋدا جەڭىسكە جەتكەن «تيسا» پارتياسىنىڭ جەتەكشىسى پەتەر ماديار 9 مامىردا ەلدىڭ پرەمەر-ءمينيسترى قىزمەتىنە كىرىسەدى. بۇل تۋرالى ول ءوزىنىڭ الەۋمەتتىك جەلىدەگى پاراقشاسىندا جازدى، سالتاناتتى ءىس-شارا وتەتىنىن مالىمدەدى، دەپ حابارلايدى «ادىرنا» ءتىلشىسى.
مادياردىڭ ايتۋىنشا، 9 مامىردا رەسمي انت بەرۋ راسىمىنەن كەيىن بۋداپەشت قالاسىنداعى پارلامەنت ماڭىندا، كوشۋت الاڭىندا ساياسي وزگەرىستەرگە ارنالعان سالتاناتتى جيىن ۇيىمداستىرىلادى.
ەسكە سالايىق، 12 ساۋىردە ماجارستاندا پارلامەنتتىك سايلاۋ ءوتىپ، 45 جاستاعى وپپوزيتسيا جەتەكشىسى پەتەر ماديار مەن ونىڭ وڭشىل-ورتالىق باعىتتاعى «تيسا» پارتياسى جەڭىسكە جەتكەن بولاتىن.
جەڭىستەن كەيىن ماديار بىرقاتار باتىل مالىمدەمەلەر جاساپ، ەگەر ۆلاديمير پۋتينمەن تەلەفون ارقىلى سويلەسۋ مۇمكىندىگى بولسا، سوعىستى توقتاتۋعا شاقىراتىنىن ايتقان. الايدا ول ءبىرىنشى بولىپ قوڭىراۋ شالمايتىنىن دا ناقتىلاعان. سونداي-اق بولاشاق پرەمەر ماجارستان پرەزيدەنتىنىڭ وتستاۆكاعا كەتۋىن تالاپ ەتىپ، ونى بۇل قىزمەتكە لايىق ەمەس دەپ اتادى.
