قازاقستاننىڭ حالىق جازۋشىسى، اقىن مۇحتار شاحانوۆپەن قوشتاسۋ ءراسىمى 21 ءساۋىر كۇنى تاڭەرتەڭ اباي اتىنداعى قازاق ۇلتتىق وپەرا جانە بالەت تەاترىندا ءوتتى، دەپ حابارلايدى "ادىرنا" ۇلتتىق پورتالى.
ازالى جيىنعا الماتى جۇرتشىلىعى جينالىپ، كورنەكتى قالامگەردى سوڭعى ساپارعا شىعارىپ سالدى.
مارقۇمنىڭ دەنەسى تەاتر ساحناسىنىڭ تورىنە قويىلىپ، ۇستىنە جاسىل كىلەم جابىلعان. ءىس-شارانى جازۋشىلار وداعىنىڭ توراعاسى مەرەكە قۇلكەنوۆ جۇرگىزدى.
ساحنادا اقىننىڭ:
ء«بىز شىققان تاۋ – شىندىق تاۋى،
بارلىق تاۋدان بيىك تاۋ!» - دەگەن ولەڭ جولدارى جازىلعان.
قوشتاسۋ راسىمىنەن كەيىن اقىننىڭ دەنەسى تۇركىستان وبلىسىنا جەتكىزىلەدى. ول ارىستان باب كەسەنەسىنەن شامامەن 800 مەتر قاشىقتىقتا ورنالاسقان قورىمعا جەرلەنەدى. بۇل تۋرالى اقىننىڭ جاقىندارى حابارلادى.
ايناش ەسالى الەۋمەتتىك جەلىدەگى جازباسىندا:
«سوڭعى ءپاتۋا. مۇحتار شاحانوۆ ارىستان بابتان 800 مەتردەي قاشىقتىقتا، جاياۋ باراتىنداي جەردە، كۇرە جولدىڭ بويىنداعى قورىمعا جەرلەنەدى. اللا بۇيىرتسا، ارىستان بابتان قاراعاندا مەنمۇندالاپ تۇراتىن كەسەنەسى تۇرعىزىلادى»، – دەپ مالىمدەدى.
ەسكە سالايىق، مۇحتار شاحانوۆ 2026 جىلدىڭ 19 ساۋىردە 84 جاسقا قاراعان شاعىندا ومىردەن ءوتتى.
