تەگەران تاياۋ شىعىستاعى قاقتىعىستى رەتتەۋ بويىنشا ماسكەۋدىڭ كومەگىن قابىلداۋعا دايىن. بۇل تۋرالى يراننىڭ رەسەيدەگى توتەنشە جانە وكىلەتتى ەلشىسى قازەم دجالالي مالىمدەدى، دەپ حابارلايدى «ادىرنا» ءتىلشىسى «ۆەدوموستيگە» سىلتەمە جاساپ.
ء«بىزدىڭ جوعارى دەڭگەيدەگى بايلانىستارىمىز جالعاسىپ جاتىر. ءبىز سىزدەردىڭ باستامالارىڭىزدى تىڭداۋعا دايىنبىز. ارينە، رەسەيلىك ارىپتەستەردىڭ ءتۇرلى باستامالارىن دا قاراستىرامىز»، — دەدى ديپلومات.
ونىڭ ايتۋىنشا، رەسەي – يراننىڭ دوسى، سوندىقتان بيلىك وكىلدەرى اراسىندا تۇراقتى كەڭەستەر جۇرگىزىلىپ كەلەدى. وسىلايشا دجالالي داعدارىستى رەتتەۋگە دەلدالداردىڭ قاتىسۋى جانە ەلدەر اراسىنداعى ستراتەگيالىق سەرىكتەستىك تۋرالى كەلىسىمدى ەسكەرە وتىرىپ، رەسەيدىڭ ۇستانىمى قانداي ەكەنى جونىندەگى سۇراقتارعا جاۋاپ بەردى.
بۇعان دەيىن رەسەي سىرتقى ىستەر مينيسترلىگىنىڭ باسشىسى سەرگەي لاۆروۆ اقش-تىڭ يرانداعى وپەراتسياسىنىڭ ماقساتىن اتاعان بولاتىن. ول اقش-تىڭ شىن مانىندە «وركەنيەتتى جويۋ» جوسپارى بولعانىنا كۇمان كەلتىردى.
