Ukraina bilıgı Kamenskoe qalasynda ornatylǧan Nūrsūltan Nazarbaevqa arnalǧan bareleftı būzbau turaly şeşım qabyldady, dep habarlaidy "Adyrna" ūlttyq portaly Azattyq radiosyna sıltep.
BAQ-ta taraǧan mälımetke säikes, bareleftı alyp tastau jönındegı ötınıştı qazaqstandyq belsendı Tūrarbek Qūsaiynov joldaǧan. Ol öz ötınışınde Nazarbaevtyŋ keŋestık kezeŋmen bailanysyn jäne Resei basşylyǧymen qarym-qatynasyn alǧa tartqan.
Alaida Ukraina ūlttyq eskertkışter instituty būl talapty qanaǧattandyrudan bas tartty. İnstitut basşysy Aleksandr Alferov barelefte tyiym salynǧan simvolika joq ekenın jäne onyŋ “Reseidıŋ imperiialyq saiasatyna” qarsy baǧyttalǧan dekommunizasiia turaly zaŋ talaptaryna säikes kelmeitının mälımdedı.
Atalǧan barelef Kamenskoe qalasyndaǧy oqu ornynyŋ aldynda ornalasqan. Nūrsūltan Nazarbaev būl jerde 1958–1960 jyldary bılım alǧan. Eskertkış 2005 jyly ornatylǧan.
Aita keteiık, Nūrsūltan Äbışūly Nazarbaev 1989–1991 jyldary Qazaqstan Kompartiiasy Ortalyq komitetınıŋ bırınşı hatşysy qyzmetın atqardy. Keiın täuelsız Qazaqstannyŋ tūŋǧyş prezidentı retınde eldı 1991 - 2019 jyldar aralyǧynda basqardy.
