2025 جىلعى 11–12 ءساۋىر كۇندەرى الماتى قالاسىنداعى نارحوز ۋنيۆەرسيتەتىندە ەلىمىزدەگى ەڭ اۋقىمدى پىكىرسايىس الاڭدارىنىڭ ءبىرى — «TEO CUP XV» رەسپۋبليكالىق دەبات ءتۋرنيرى جوعارى دەڭگەيدە ءوتتى. بيىلعى تۋرنير «جاساندى ينتەللەكت عاسىرى — ۇلتتىڭ جاڭا باعىتى» تاقىرىبىندا ۇيىمداستىرىلدى.
اتالعان تاقىرىپ قازاقستان پرەزيدەنتىنىڭ جارلىعىمەن 2026 جىلدىڭ «تسيفرلاندىرۋ جانە جاساندى ينتەللەكت جىلى» دەپ جاريالانۋىنا بايلانىستى وزەكتەندىرىلدى. تۋرنير بارىسىندا قاتىسۋشىلار تسيفرلاندىرۋ، جاساندى ينتەللەكت، ەڭبەك نارىعىنىڭ ترانسفورماتسياسى جانە دەرەكتەر قاۋىپسىزدىگى سياقتى وزەكتى ماسەلەلەردى تالقىلادى.
تۋرنيرگە ەلىمىزدىڭ 9 وڭىرىنەن كەلگەن 136 فراكتسيا (272 سپيكەر) قاتىسىپ، جالپى سانى 700-گە جۋىق ادامدى قامتىدى. ونىڭ ىشىندە:
• 72 فراكتسيا — ستۋدەنتتىك ليگا
• 64 فراكتسيا — مەكتەپ ليگاسى
«TEO CUP XV» ءتۋرنيرى مۋلتيفورمات جۇيەسىندە ۇيىمداستىرىلىپ، قاتىسۋشىلار بپف، اپف جانە لينكولن–دۋگلاس (لد) فورماتتارى بويىنشا باق سىنادى. بۇل ءتۋرنيردىڭ مازمۇندىق دەڭگەيىن ارتتىرىپ، قاتىسۋشىلارعا ءارتۇرلى پىكىرسايىس مودەلدەرىندە ءوز قابىلەتتەرىن كورسەتۋگە مۇمكىندىك بەردى.
تەو جپم پرەزيدەنتى سۇلتان قازبەكبي ءتۋرنيردىڭ ماڭىزدىلىعىنا توقتالىپ:
«TEO CUP — رەسپۋبليكاداعى ەڭ ءىرى پىكىرسايىس تۋرنيرلەرىنىڭ ءبىرى. ءبىز بۇل تۋرنيرگە ءبىر اي بۇرىن دايىندىقتى باستاپ، دەمەۋشىلەر مەن سەرىكتەستەردى تارتىپ، جاستار ءۇشىن ساپالى ينتەللەكتۋالدى الاڭ قالىپتاستىرۋدى ماقسات ەتتىك. بيىلعى تۋرنير جوعارى دەڭگەيدە ءوتىپ، پىكىرسايىستىڭ جاستاردىڭ سىني ويلاۋ قابىلەتىن دامىتۋداعى ماڭىزىن تاعى ءبىر مارتە دالەلدەدى»، — دەدى.
جەڭىمپازدار (ستۋدەنتتىك ليگا)
الفا ليگا:
1-ورىن — #sdugreatagain — 300 000 تەڭگە
2-ورىن — VVV — 200 000 تەڭگە
3-ورىن — «حانشا» — 100 000 تەڭگە
3-ورىن — «گەو/دجت» — 100 000 تەڭگە
بەتا ليگا:
1-ورىن — «قاعان» — 100 000 تەڭگە
2-ورىن — «يرينا كايراتوۆنا» — 60 000 تەڭگە
3-ورىن — «سا-نا سۆيازي» — 30 000 تەڭگە
3-ورىن — «نا حابارە» — 30 000 تەڭگە
جەكە نوميناتسيالار:
ەڭ ۇزدىك سپيكەر — اليپچەەۆا ماحاببات — 80 000 تەڭگە
ۇزدىك سپيكەر — ابدراحمان سەرىك — 40 000 تەڭگە
جەڭىمپازدار (مەكتەپ ليگاسى)
1-ورىن — «ايعا قاراپ» (باحيت ايمەن، ورىنباەۆ رامازان) — نارحوز ۋنيۆەرسيتەتىنىڭ 4 جىلدىق ءبىلىم گرانتى
2-ورىن — «Fatality» — 50 000 تەڭگە
3-ورىن — «وتتى جىلدار» — 30 000 تەڭگە
3-ورىن — «ماتادور» — 30 000 تەڭگە
جەكە نوميناتسيالار:
ەڭ ۇزدىك سپيكەر — ساپابەك التىناي — 50 000 تەڭگە
ۇزدىك سپيكەر — ەسەنعالي جۇلدىزاي — 30 000 تەڭگە
«TEO CUP» ءتۋرنيرىنىڭ 15 جىل بويى جوعارى دەڭگەيدە ۇزدىكسىز وتكىزىلىپ كەلە جاتۋى — ونىڭ ەلىمىزدەگى ەڭ بەدەلدى ءارى تۇراقتى پىكىرسايىس الاڭدارىنىڭ ءبىرى ەكەنىن دالەلدەيدى. مەكتەپ ليگاسى بويىنشا جەڭىمپاز فراكتسياعا نارحوز ۋنيۆەرسيتەتى تاراپىنان 4 جىلدىق ءبىلىم گرانتىنىڭ تابىستالۋى — پىكىرسايىس قوزعالىسىن دامىتۋعا جانە دارىندى جاستاردى قولداۋعا باعىتتالعان ماڭىزدى قادام.
سونىمەن قاتار، ستۋدەنتتىك ليگا جەڭىمپازدارى اقشالاي سىيلىقتارمەن جانە ارنايى ماراپاتتارمەن ماراپاتتالىپ، ولاردىڭ ينتەللەكتۋالدىق ەڭبەگى جوعارى دەڭگەيدە باعالاندى.
ءتۋرنيردىڭ جوعارى دەڭگەيدە وتۋىنە قولداۋ بىلدىرگەن دەمەۋشىلەرگە العىس بىلدىرەمىز:
• نارحوز ۋنيۆەرسيتەتى
• Alikhan company
• Rice group
• Qulpynai
• Natige
• Abdet consulting
• AIplus
• Nomad empire company
«TEO CUP XV» ءتۋرنيرى جاستاردىڭ سىني ويلاۋ، كوشباسشىلىق جانە شەشەندىك قابىلەتتەرىن دامىتۋعا باعىتتالعان ماڭىزدى ينتەللەكتۋالدى الاڭ رەتىندە ءوز مارەسىنە جەتتى.
