كونكيمەن جۇگىرۋدەن قازاقستان قۇراماسىنىڭ وكىلى ەۆگەني كوشكين نيدەرلاندتىڭ لەۆاردەن قالاسىندا ءوتىپ جاتقان "كۇمىس شار" حالىقارالىق ءتۋرنيرىنىڭ جەڭىمپازى اتاندى، دەپ حابارلايدى "ادىرنا".
قازاقستاندىق سپورتشى 100 مەتر قاشىقتىقتا توپ جاردى.
كوشكين بارلىق كەزەڭدە، سونىڭ ىشىندە جارتىلاي فينال مەن فينالدا دا ءبىرىنشى بولىپ مارەگە جەتتى. شەشۋشى جارىستا ول 9,56 سەكۋندتا مارەگە جەتتى.
ەكىنشى ورىندى نيدەرلاندتىق ستەفان ۆەستەنبرۋك يەلەندى – 9,69. ال ماتس ۆان دە بوس (نيدەرلاند) 9,82 سەكۋند كورسەتكىشپەن ۇزدىك ۇشتىكتى تۇيىندەدى.
ايتا كەتەيىك، ەۆگەني كوشكين 2026 جىلعى وليمپيادا ويىندارىندا 500 مەتر قاشىقتىقتا سىنعا ءتۇسىپ، جارىستى توعىزىنشى ورىنمەن اياقتاعان ەدى.
ۇقساس جاڭالىقتار
