«قازاقستان – جاساندى ەل، ورىستارعا گەنوتسيد جاساپ جاتىر» دەپ ايىپتاعان مەدۆەدەۆكە قازاقستانداعى ورىس جىگىتى جاۋاپ بەرىپ، سوڭعى دەمى قالعانشا قازاقستان ءۇشىن كۇرەسەتىنىن جەتكىزدى. بۇل تۋرالى "ادىرنا" ۇلتتىق پورتالى جازادى.
"مەدۆەدەۆتىڭ نە جازعانىن كورگەن بولارسىزدار. مەن قازاقستاندا دۇنيەگە كەلگەن ورىس رەتىندە جاۋاپ بەرگىم كەلەدى. بىزدە ەشقانداي ۇلتشىلدىق جوق! بىزگە مۇندا ەشكىم ءتيىسىپ جاتقان جوق. قازاقستاننان الىس جۇرىڭدەرشى. ءبىز قازاقستاندا جاقسى تۇرىپ جاتىرمىز. قازاقستان ءاردايىم قوناقجاي بولعان حالىق، ولاردىڭ مەنى قابىلداعاندارىنا، ولاردىڭ مەنىڭ حالقىم ەكەنىنە العىسىم شەكسىز. ءوز ەلىم ءۇشىن سوڭعى دەمىم قالعانشا كۇرەسەمىن. دالىرەك ايتساق، قازاقستان ءۇشىن كۇرەسەمىن. سوندىقتان قازاقستان ورىستارعا قىسىم كورسەتىپ جاتىر دەگەن اڭگىمەنى قويۋ كەرەك. بارىنە راقمەت! ال قازاق حالقىنا مىڭ دا ءبىر العىس!",- دەدى ورىس جىگىتى.
"ادىرنا" ۇلتتىق پورتالى
