رەسەي پرەزيدەنتى ۆلاديمير پۋتين پاسحا مەرەكەسىنە وراي 11 ءساۋىر ساعات 16:00-دەن 12 ءساۋىردىڭ سوڭىنا دەيىن دەيىن ءبىتىم جاريالادى. بۇل تۋرالى كرەملدىڭ رەسمي سايتى جازدى، دەپ حابارلايدى "ادىرنا".
"رەسەي فەدەراتسياسى قارۋلى كۇشتەرىنىڭ جوعارعى باس قولباسشىسى ۆ.ۆ. ءپۋتيننىڭ شەشىمىمەن، جاقىنداپ كەلە جاتقان پراۆوسلاۆيە مەرەكەسى پاسحاعا (قاسيەتتى حريستوستىڭ قايتا ءتىرىلۋى) بايلانىستى 2026 جىلعى 11 ءساۋىر ساعات 16:00-دەن باستاپ 2026 جىلعى 12 ءساۋىر كۇننىڭ سوڭىنا دەيىن ءبىتىم جاريالاندى", - دەلىنگەن كرەمل سايتىندا جاريالانعان حابارلامادا.
حابارلامادا رەسەي قورعانىس ءمينيسترى ا.بەلوۋسوۆكە جانە رف قك باس شتابىنىڭ باستىعى – بىرىككەن اسكەرلەر توبىنىڭ قولباسشىسى، ارميا گەنەرالى ۆ.گەراسيموۆكە وسى كەزەڭدە بارلىق باعىت بويىنشا اسكەري ءىس-قيمىلداردى توقتاتۋ تۋرالى نۇسقاۋ بەرىلگەنى ايتىلعان.
سونداي-اق حابارلامادا رەسەي ۋكراينا تاراپى دا وسىنى ۇستانادى دەپ كۇتەتىنى ايتىلعان.
