فوتو: astanaopera.kz
استانا وپەرا 2025 جىلدىڭ قورىتىندىسى بويىنشا 40,3 ملن تەڭگە تابىس تاپتى. بۇل تۋرالى كوممەرتسيالىق ەمەس اكتسيونەرلىك قوعام جىلدىڭ قورىتىندى ەسەبىن جاريالادى، دەپ حابارلايدى “ادىرنا”.
ايتا كەتۋ كەرەك، 2025 جىلدىڭ ناۋرىزىندا تەاتردىڭ قامقورشىلار كەڭەسىنىڭ قۇرامى وزگەرگەن. كەڭەستەن نۇرسۇلتان نازارباەۆ، داريعا نازارباەۆا، تيمۋر قۇلىباەۆ، الەكساندر ماشكەۆيچ، نۇرلان سماعۇلوۆ، پاتوح شوديەۆ جانە الماسادام ساتقاليەۆ شىعارىلعان.
2025 جىلعى ناتيجە 2024 جىلمەن سالىستىرعاندا الدەقايدا جاقسى. وتكەن جىلى تەاتر 34,5 ملرد تەڭگە شىعىنعا باتقان بولاتىن. ول كەزدەگى نەگىزگى شىعىن «وزگە شىعىستار» ساناتىنداعى نەگىزگى قۇرالداردىڭ ەسەپتەن شىعارىلۋىمەن بايلانىستى بولدى. ياعني، بۇل – ۇيىم بالانسىنان بەلگىلى ءبىر مۇلىكتى شىعارۋ كەزىندە تۋىندايتىن شىعىندار.
ەسەپتە 2024 جىلى تەاتر عيماراتى ىرگەلەس اۋماق پەن جابىق اۆتوتۇراقتى قايتا جاڭارتۋ ماقساتىندا استانا اكىمدىگىنىڭ كوممۋنالدىق مەنشىگىنە وتەۋسىز بەرىلگەنى كورسەتىلگەن. جوسپار بويىنشا، 2025 جىلدىڭ جەلتوقسانىندا بۇل نىسان اكتسيالاردى تولەۋ ەسەبىنەن تەاترعا قايتا بەرىلۋى ءتيىس بولعان. الايدا ونىڭ قايتارىلعانى تۋرالى ناقتى اقپارات جوق.
ايتا كەتسەك، 2023 جىلى دا كاسىپورىن 1,2 ملرد تەڭگە شىعىنعا ۇشىراعان.
2025 جىلدىڭ سوڭىندا تەاتر اكتيۆتەرى 15,8 ملرد تەڭگەنى قۇراپ، جىل باسىنداعى 15,7 ملرد تەڭگەدەن ءسال ارتقان. ال مىندەتتەمەلەر 21,9%-عا تومەندەپ، 3,2 ملرد تەڭگەدەن 2,5 ملرد تەڭگەگە دەيىن ازايعان.
