قۇربىسىن ساباعان تالدىقورعاندىق قىزدىڭ ۆيدەوسىن جاريالاعان قىز بەن ونىڭ اكەسى قازاقستاندىقتاردان كەشىرىم سۇرادى، دەپ حابارلايدى “ادىرنا” ءتىلشىسى.
ۆيدەودا قىز قازاقستاندىقتاردان اۋىزىنان شىققان بالاعاتتىق ءسوز بەن ينستاگرامعا قىزداردىڭ توبەلەسكەن ۆيدەوسىن جاريالاعانى ءۇشىن كەشىرۋم سۇرادى.
سونداي-اق، پوليتسەيلەر بەينەروليكتى الەۋمەتتىك جەلىگە سالعان كامەلەتكە تولماعان ءجاسوسپىرىمنىڭ الماتىدا تۇراتىنىن جانە سوندا وقيتىنىن انىقتادى.
“جەلىدەگى اقپارات نازارعا الىنىپ، ءتيىستى تارتىپپەن تەكسەرىلدى. كامەلەتكە تولماعان قىزدىڭ الماتى قالاسىندا تۇراتىنى، سونداعى وقۋ ورىندارىنىڭ بىرىندە وقيتىنى انىقتالدى. قىز ءوزىنىڭ پاراقشاسىنداعى ۆيدەونى پوليتسيا قىزمەتىنىڭ ءارتۇرلى رەسۋرستارىنان (گارنيزوندىق اجىراسۋ، پوليتسيا اۆتوپاركى، پاترۋلدىك ەكيپاجدىڭ تانىستارىن جەتكىزۋى جانە ولاردىڭ سايتتاعى ساۋالناماسى جانە ت.ب.) جۇكتەپ العان بولىپ شىقتى، كەيىن ونى مونتاجداۋ كەزىندە قۇربىسى ەكەۋى تۇسكەن كادردى جالعاعان. ول وقۋشى قىزداردىڭ توبەلەسىنە تىكەلەي قاتىسقان جوق، تەك ۆيدەونى ءوز پاراقشاسىندا جاريالاعان”، - دەپ حابارلادى جەتىسۋ وبلىسى پد ءباسپاسوز قىزمەتى.
سونداي-اق، الەۋمەتتىك جەلىدەگى ۆيدەودا بالاعات سوزدەرىمەن كوزگە تۇسكەن قىز قر اقبتك-ءنىڭ 434-بابى (ۇساق بۇزاقىلىق) بويىنشا جاۋاپقا تارتىلاتىنى دا ايتىلادى.
“ونىڭ اتا-اناسىنا اقبتك-ءنىڭ 127-بابىنا سايكەس جازا (كامەلەتكە تولماعان بالانى تاربيەلەۋ جونىندەگى مىندەتتەردى ورىنداماۋ) تاعايىندالادى”، - دەدى پوليتسيادان.
