قازاقستان – وزبەكستان مەملەكەتتىك شەكاراسىن دەماركاتسيالاۋ قۇجاتىنىڭ جوباسى جاسالدى

1920
Adyrna.kz Telegram

قازاقستان-وزبەكستان اراسىنداعى مەملەكەتتىك شەكارانى دەماركاتسيالاۋدىڭ قورىتىندى قۇجاتتارىنىڭ جوبالار پاكەتىن قالىپتاستىرۋ اياقتالدى. بۇل تۋرالى قر سىرتقى ىستەر مينيسترلىگى مالىمدەدى، دەپ جازادى "ادىرنا" ۇلتتىق پورتالى.

2022 جىلعى 25 شىلدە – 5 تامىز ارالىعىندا الماتى قالاسىندا قازاقستان-وزبەكستان بىرلەسكەن دەماركاتسيالىق كوميسسياسىنداعى قازاقستان رەسپۋبليكاسى مەن وزبەكستان رەسپۋبليكاسى ۇكىمەتتىك دەلەگاتسيالارىنىڭ كەزەكتى وتىرىسى ءوتتى.

«كەلىسسوزدەر بارىسىندا تاراپتار قازاقستان رەسپۋبليكاسى مەن وزبەكستان رەسپۋبليكاسى اراسىنداعى قازاقستان-وزبەكستان مەملەكەتتىك شەكاراسىن شەگەندەۋ تۋرالى شارت جوباسىنىڭ ءماتىنىن كەلىسۋدى جانە شەكارانى دەماركاتسيالاۋدىڭ قورىتىندى قۇجاتتارى جوبالارىنىڭ پاكەتىن قالىپتاستىرۋدى اياقتادى. كەلەسى كەزدەسۋ وزبەكستان رەسپۋبليكاسىندا ديپلوماتيالىق ارنالار ارقىلى كەلىسىلگەن مەرزىمدەردە وتەدى»، - دەلىنگەن ۆەدومستۆو حابارلاماسىندا.

"ادىرنا" ۇلتتىق پورتالى 

پىكىرلەر