قازاقستان باس پروكۋرورىنىڭ ورىنباسارى ەرلان وتەگەنوۆ سەناتتاعى بريفينگتە سانجار بوقاەۆتىڭ ناقتى قانداي ءىس بويىنشا كۇدىككە ىلىنگەنىن ايتتى. دەپ حابارلايدى "ادىرنا" ۇلتتىق پورتالى.
ونىڭ مالىمەتىنشە، بوقاەۆ اسا ءىرى كولەمدە الاياقتىق جاساۋ ارقىلى قاراجات جىمقىردى جانە اعاشتاردى زاڭسىز كەسۋدى ۇيىمداستىردى دەگەن كۇدىككە ىلىنگەن.
«قازىر ءىس بويىنشا تەرگەۋ ارەكەتتەرى جۇرگىزىلىپ جاتىر. الاياقتىق ونىڭ ۇلتتىق كومپانيادا جۇمىس ىستەگەن كەزەڭىنە قاتىستى»، – دەدى ەرلان وتەگەنوۆ.
اشىق دەرەكتەرگە سايكەس، سانجار بوقاەۆ 2015-2018 جىلدارى «قازترانسگاز» اكتسيونەرلىك قوعامى باسقارما توراعاسىنىڭ كەڭەسشىسى قىزمەتىن اتقارعان.
ەسكە سالايىق، 18 ناۋرىزدا باس پروكۋراتۋرا الماتىدا سانجار بوقاەۆتىڭ ۇستالعانىن حابارلاعان ەدى.
ۇقساس جاڭالىقتار
