ەندى 2 جىلدان سوڭ قازاقستاننىڭ 8 قالاسىندا 5G تەحنولوگياسى ىسكە قوسىلادى، دەپ جازادى "ادىرنا" ۇلتتىق پورتالى.
Baq.kz حابارلاۋىنشا، كەيىن 2025 جىلى تاعى 6 قالاعا ورناتىلىپ، 2026 جىلى ەلىمىزدىڭ 25 قالاسىندا ۇيالى بايلانىستىڭ «بەسىنشى بۋىنى» قولجەتىمدى بولادى.
بۇل تۋرالى تسيفررلىق دامۋ ءمينيسترىنىڭ ورىنباسارى اسحات ورازبەك ءمالىم ەتتى.
سونىمەن قاتار ۆيتسە-مينيستر ەلدەگى ينتەرنەت ساپاسىنا قاتىستى جۋرناليستەر سۇراعىنا جاۋاپ بەردى.
ەل اۋماعىنىڭ 99 پايىزى قامتىلعان. دەگەنمەن بۇل ونىڭ بارلىق وڭىردە ساپالى ەكەندىگىن بىلدىرمەيدى، - دەدى ۆيتسە-مينيستر اسحات ورازبەك.
وسىعان بايلانىستى بىلتىر 532 شاعىم ءتۇسىپ، بايلانىس وپەراتورلارىنا 135 ملن تەڭگە ايىپپۇل سالىنعان. ۆيتسە-مينيستر گەوگرافيالىق بەدەرى كۇردەلى بولعاندىقتان، ينتەرنەت جەتكىزۋ قيىنعا سوعاتىن وڭىرلەرگە توقتالدى.
"ادىرنا" ۇلتتىق پورتالى
