«سۇڭقار» («سويۋز-5») زىمىران-تاسىعىشى العاشقى سىناقتىق ۇشىرىلىمعا دايىندىق ماقساتىندا بايقوڭىر عارىش ايلاعىنىڭ ۇشىرۋ كەشەنىنە ءبىرىنشى رەت شىعارىلدى، دەپ حابارلايدى «ادىرنا» ءتىلشىسى قازتاگ-قا سىلتەمە جاساپ.
«سۇڭقار» زىمىرانى 31 ناۋرىز كۇنى عارىش ايلاعىنىڭ تەمىرجول جەلىسى ارقىلى 42-الاڭداعى قۇراستىرۋ-سىناق كورپۋسىنان شىعارىلىپ، 45-الاڭداعى ۇشىرۋ قۇرىلعىسىنا تىك كۇيدە ورناتىلدى. الداعى بىرنەشە كۇن ىشىندە عارىش ايلاعىنىڭ ماماندارى ۇشىرۋ كەشەنى مەن زىمىران-تاسىعىشتىڭ جۇيەلەرىنە سوڭعى تەكسەرىس جۇمىستارىن جۇرگىزەدى»، – دەدى دەرەككوز.
«سۇڭقار» زىمىران-تاسىعىشىن پايدالى جۇكتەمە ماكەتىمەن سىناق ءۇشىن ۇشىرۋ 3 ءساۋىر كۇنى استانا ۋاقىتىمەن ساعات 16:00-گە جوسپارلانعان.
زىمىران ۇشاتىن "بايتەرەك" عارىشتىق زىمىران كەشەنى – قازاقستان مەن رەسەيدىڭ بىرلەسكەن جوباسى. بايقوڭىرداعى №45 ۇشىرۋ الاڭى نەگىزىندە جاساقتالعان جوبا ەكولوگيالىق تازا وتىنمەن جۇمىس ىستەيتىن زىمىرانداردى ۇشىرۋعا ارنالعان ينفراقۇرىلىم قۇرۋ ماقساتىن كوزدەيتىنى ايتىلادى. جوبا 2004 جىلى باستالىپ، 2005 جىلى سول كەزدەگى پرەزيدەنتتەر نۇرسۇلتان نازارباەۆ پەن ۆلاديمير ءپۋتيننىڭ قاتىسۋىمەن رەسمي تۇردە ىسكە قوسىلعان بولاتىن.
بۇعان دەيىن «سۇڭقار» زىمىران-تاسىعىشىن بايقوڭىردان ۇشىرۋعا دايىندىق باستالعانىن جازعان ەدىك. كەيىننەن ونى ۇشىرۋ ءتورتىنشى مارتە كەيىنگە شەگەرىلگەنى انىقتالدى.
زىمىران ۇشاتىن "بايتەرەك" عارىشتىق زىمىران كەشەنى – قازاقستان مەن رەسەيدىڭ بىرلەسكەن جوباسى. بايقوڭىرداعى №45 ۇشىرۋ الاڭى نەگىزىندە جاساقتالعان جوبا ەكولوگيالىق تازا وتىنمەن جۇمىس ىستەيتىن زىمىرانداردى ۇشىرۋعا ارنالعان ينفراقۇرىلىم قۇرۋ ماقساتىن كوزدەيتىنى ايتىلادى. جوبا 2004 جىلى باستالىپ، 2005 جىلى سول كەزدەگى پرەزيدەنتتەر نۇرسۇلتان نازارباەۆ پەن ۆلاديمير ءپۋتيننىڭ قاتىسۋىمەن رەسمي تۇردە ىسكە قوسىلعان بولاتىن.
ايتا كەتۋ كەرەك، رەسەيدە — «سويۋز-5»، قازاقستاندا «سۇڭقار» اتالاتىن بۇل الىپ قۇرال — ورتا كلاستى، ەكى ساتىلى زىمىران. ول ەكولوگيالىق قاۋىپسىز وتىن — نافتيل مەن سۇيىق وتتەگىن پايدالانادى. جوبا ءساتتى جۇزەگە اسقان جاعدايدا، قازاقستاننىڭ عارىش سالاسىنداعى الەۋەتىن ارتتىرىپ، حالىقارالىق ۇشىرۋ نارىعىنداعى ورنىن كۇشەيتۋگە مۇمكىندىك بەرەدى دەپ حابارلانعان.
بۇعان دەيىن رەسەيلىك باق-تىڭ زىمىران اتاۋىنا قاتىستى پىكىر جاريالاعان ەدىك. ال بىلتىر بايقوڭىرداعى گاگارين ستارت الاڭىنىڭ ورنىنان كونە وركەنيەت وشاعى تابىلعانى حابارلانعان بولاتىن.
