"RİA Novosti" agenttıgınıŋ habarlauynşa, būl joba turaly «Amur jolbarysy» ortalyǧynyŋ bas direktory Sergei Aramilev aityp berdı. Qazaqstan men Resei 2022 jyly Şyǧys ekonomikalyq forumynda jolbarystardy qaita jersındıru turaly kelısımge qol qoiǧan.
2025 jyldyŋ qaraşasynda ekı eldıŋ ekologiia ministrlerı Aleksandr Kozlov pen Erlan Nysanbaev jolbarystardy Qazaqstanǧa jetkızu jäne beiımdeu boiynşa bırlesken josparǧa qol qoidy. Qūjatqa Vladimir Putin men Qasym-Jomart Toqaev qatysyp, räsımdelgen.
"Jolbarystardy taŋdau kezınde bırneşe maŋyzdy talap eskerıledı: olar ärtürlı jynysty boluy tiıs, densaulyǧy myqty, jaraqatsyz jäne jabaiy tabiǧatta öz betınşe tūiaqty januarlardy aulai aluy kerek. Sondai-aq adamǧa degen közqarasy da qalypty boluy qajet. Irıkteu aiaqtalǧan soŋ, januarlar Qazaqstanǧa jetkızılıp, aldymen arnaiy oŋaltu ortalyǧyna ornalastyrylady", - deidı Sergei AramilevBūl ortalyqta olardyŋ jergılıktı januarlarǧa qalai aŋ aulaityny jäne adamǧa reaksiiasy tekserıledı. Eger barlyq körsetkışter talapqa sai bolsa, jolbarystar tabiǧi ortaǧa jıberıledı.
"Aita ketu kerek, būl maqsatta jolbarystar arnaiy aulanbaidy. Negızınen, ümıtkerler qatarynda anasyz qalǧan jetım küşıkter nemese adamdarmen qaqtyǧystyŋ aldyn alu üşın ūstalǧan jas jolbarystar bolady. Qazırgı taŋda osyndai ümıtkerler ırıktelıp jatyr jäne törteuın bırden jıberu josparlanǧan", - deidı Sergei AramilevSonymen qatar, qazaqstandyq mamandar Qiyr Şyǧysqa baryp, reseilık ärıptesterdıŋ täjıribesın üirengen. Jolbarystar Qazaqstanǧa jetkızılgennen keiın de reseilık mamandar oqytu seminarlaryn ötkızıp, januarlardy tabiǧatqa jıberu jäne olardy baqylau jūmystaryna qatysady.
Joba ekı eldıŋ bırlesken eŋbegı retınde jüzege asady, sondyqtan mamandar jolbarystardyŋ qauıpsızdıgı tolyq qamtamasyz etıletınıne senımdı.
