ءوزىن يمام دەپ اتاپ جۇرگەن الماتى قالاسىنىڭ تۇرعىنى حازرەت قۇربانالى احمەت قوعامدا ۇلكەن رەزونانس تۋدىرعان سۇحباتتان كەيىن جاۋاپكەرشىلىككە تارتىلدى، دەپ حابارلايدى “ادىرنا”.
سۇحبات بارىسىندا ول ەكىنشى ايەلىن وعان «قايىن اتاسى سىيلاعانىن» ايتقان. كەيىن، ءوز سوزىنشە، ونىمەن جانجالدان كەيىن ايەلىنە ءوز شاكىرتتەرىنىڭ ءبىرىن تاڭداۋدى ۇسىنىپ، ونى سوعان تۇرمىسقا بەرەتىنىن جەتكىزگەن. اقىرىندا، بۇل شەشىم جۇزەگە اسقانىن مالىمدەگەن.
سۇحبات جاريالانعاننان كەيىن بۇل مالىمدەمەلەر قوعامدا قىزۋ تالقىلانىپ، سىنعا ۇشىرادى.
الماتى پوليتسياسى تەكسەرۋ بارىسىندا زاڭ بۇزۋشىلىقتار انىقتالعانىن حابارلادى.
«تەكسەرۋ كەزىندە سۇحباتتا قازاقستان رەسپۋبليكاسىنىڭ زاڭ تالاپتارىنا قايشى كەلەتىن (مىسالى، ايەلىن شاكىرتىنە “بەرۋ” تۋرالى) مالىمدەمەلەر ايتىلعانى، سونداي-اق قوعامدىق سانا مەن كونفەسسياارالىق كەلىسىمگە تەرىس اسەر ەتۋى مۇمكىن ماسەلەلەر قوزعالعانى انىقتالدى»، – دەلىنگەن حابارلامادا.
تەكسەرۋ ناتيجەسىندە:
- ەر ادام قر اقبتك-ءنىڭ 490-بابى بويىنشا ايىپپۇل تولەدى;
- ونىڭ رەسمي ءدىن قىزمەتكەرى ەمەس ەكەنى انىقتالدى;
- جاريالانىم اۆتورى دا اكىمشىلىك جاۋاپكەرشىلىككە تارتىلدى.
بيلىك وكىلدەرى قۇقىق بۇزۋشىلىق بەلگىلەرى بار ماتەريالداردى تاراتۋ ءۇشىن دە جاۋاپكەرشىلىك قاراستىرىلاتىنىن اتاپ ءوتتى.
