Özın imam dep atap jürgen Almaty qalasynyŋ tūrǧyny Hazret Qūrbanälı Ahmet qoǧamda ülken rezonans tudyrǧan sūhbattan keiın jauapkerşılıkke tartyldy, dep habarlaidy “Adyrna”.
Sūhbat barysynda ol ekınşı äielın oǧan «qaiyn atasy syilaǧanyn» aitqan. Keiın, öz sözınşe, onymen janjaldan keiın äielıne öz şäkırtterınıŋ bırın taŋdaudy ūsynyp, ony soǧan tūrmysqa beretının jetkızgen. Aqyrynda, būl şeşım jüzege asqanyn mälımdegen.
Sūhbat jariialanǧannan keiın būl mälımdemeler qoǧamda qyzu talqylanyp, synǧa ūşyrady.
Almaty polisiiasy tekseru barysynda zaŋ būzuşylyqtar anyqtalǧanyn habarlady.
«Tekseru kezınde sūhbatta Qazaqstan Respublikasynyŋ zaŋ talaptaryna qaişy keletın (mysaly, äielın şäkırtıne “beru” turaly) mälımdemeler aitylǧany, sondai-aq qoǧamdyq sana men konfessiiaaralyq kelısımge terıs äser etuı mümkın mäseleler qozǧalǧany anyqtaldy», – delıngen habarlamada.
Tekseru nätijesınde:
- er adam QR ÄQBtK-nıŋ 490-baby boiynşa aiyppūl töledı;
- onyŋ resmi dın qyzmetkerı emes ekenı anyqtaldy;
- jariialanym avtory da äkımşılık jauapkerşılıkke tartyldy.
Bilık ökılderı qūqyq būzuşylyq belgılerı bar materialdardy taratu üşın de jauapkerşılık qarastyrylatynyn atap öttı.
