اقش پرەزيدەنتى دونالد ترامپ ساۋد ارابياسىنىڭ تاق مۇراگەرى مۇحاممەد بين سالمان تۋرالى مالىمدەمە جاسادى، دەپ حابارلايدى "ادىرنا" ۇلتتىق پورتالى The Hill باسىلىمىنا سىلتەمە جاساپ.
ول ماياميدە وتكەن Future Investment Initiative فورۋمىندا سويلەگەن سوزىندە حانزادا باستاپقىدا ءوزىن باعالاماعانىن، الايدا كەيىن پوزيتسياسىن وزگەرتۋگە ءماجبۇر بولعانىن ايتتى.
ترامپتىڭ سوزىنشە، ساۋد ارابياسى باسشىلىعى اقش پرەزيدەنتىن ءالسىز ساياساتكەر دەپ ويلاعان. بىراق كەيىن ونىمەن قارىم-قاتىناستا جۇمساق بولۋعا كوشكەن.
"ول ماعان جاعىمپازدانۋعا تۋرا كەلەدى دەپ ويلاعان جوق. شىنىمەن دە ويلاعان جوق. ول مەنى ەلدى قۇلدىراۋعا الىپ بارا جاتقان ءساتسىز امەريكالىق پرەزيدەنتتەردىڭ ءبىرى بولادى دەپ ويلادى. بىراق ەندى وعان مەنىمەن جاقسى قارىم-قاتىناستا بولۋعا تۋرا كەلەدى. وعان ايتىڭدار، وسىلاي جالعاستىرا بەرسىن»، — دەدى دونالد ترامپ.
بۇعان دەيىن امەريكالىق باسىلىمدار ساۋد ارابياسى مەن بىرىككەن اراب امىرلىكتەرى اقش-تىڭ يرانعا قارسى ساياساتىن قولداپ وتىرعانىن جازعان. سونداي-اق كەي دەرەكتەرگە سايكەس، ەر-رياد ۆاشينگتوندى يرانعا قارسى اسكەري ارەكەتتەردى توقتاتپاۋعا شاقىرعان.
ايتا كەتەيىك، بۇعان دەيىن ترامپتىڭ يزرايل پرەزيدەنتىنە ءتىل تيگىزگەنىن حابارلاعان ەدىك.
