ۋكراينا قارۋلى كۇشتەرىنە مايدان شەبىندە «ۇنسىزدىك رەجيمىن» ساقتاۋ تۋرالى بۇيرىق بەرىلدى، دەپ حابارلايدى “ادىرنا” ءتىلشىسى.
رەجيم 5 قىركۇيەك ساعات 00:00-دەن 8 قىركۇيەك ساعات 23:59-عا دەيىن جالعاسادى.
«ۋكراينسكايا پراۆدا» باسىلىمىنىڭ مالىمەتىنشە، بۇل شەشىم اقش پرەزيدەنتىنىڭ ارنايى وكىلى ستيۆەن ۋيتكوفف پەن دونالد ترامپتىڭ كۇيەۋ بالاسى دجارەد كۋشنەردىڭ ماسكەۋ مەن كيەۆكە ساپارىنا بايلانىستى قابىلدانعان.
بۇعان دەيىن ۋكراينا پرەزيدەنتى ۆلاديمير زەلەنسكي ارنايى وكىلدەر رەسەيگە بارعان كەزدە كيەۆ ماسكەۋگە سوققى جاسامايتىنىن حابارلاعان.
ء«بىزدىڭ تاراپتان اۋەدەن سوققى بولمايدى. رەسەي دە اۋە سوققىلارىن توقتاتىپ، ءدال وسىنداي رەجيمدى قامتاماسىز ەتۋى ءتيىس»، – دەدى زەلەنسكي.
اقش پرەزيدەنتى دونالد ترامپتىڭ ايتۋىنشا، ستيۆەن ۋيتكوفف پەن دجارەد كۋشنەر ماسكەۋگە ۋكرايناداعى قاقتىعىستى توقتاتۋعا قاتىستى ۇسىنىستارمەن بارادى. ترامپ بۇل جوسپاردىڭ جاڭا ەمەس ەكەنىن اتاپ ءوتتى.
اق ءۇي باسشىسى ۋكرايناداعى قاقتىعىستى اياقتاۋعا مۇمكىندىك بار ەكەنىن ايتىپ، ۋيتكوفف پەن كۋشنەردى «وتە جاقسى كەلىسسوز جۇرگىزۋشىلەر» دەپ اتادى.
بۇعان دەيىن امەريكالىق Axios باسىلىمى ۋيتكوفف پەن كۋشنەردىڭ رەسەي پرەزيدەنتى ۆلاديمير پۋتينمەن كەزدەسۋدى جوسپارلاپ وتىرعانىن حابارلاعان.
