يران سىرتقى ىستەر مينيسترلىگى ۇلىبريتانيانىڭ ديەگو-گارسيا ارالىنداعى اسكەري بازاسىنا بالليستيكالىق راكەتالارمەن جاسالعان شابۋىلعا قاتىسى جوق ەكەنىن مالىمدەدى، دەپ حابارلايدى "ادىرنا" ۇلتتىق پورتالى.
بۇل تۋرالى ۆەدومستۆونىڭ رەسمي وكىلى يسمايل بەكاي حابارلادى. ونىڭ ايتۋىنشا، شابۋىلدى يزرايل «باسقا ەلدىڭ تۋىن جەلبىرەتىپ» جاساعان.
الدىن الا اقپاراتتارعا سايكەس، The Wall Street Journal باسىلىمى يراننىڭ ەكى ورتاشا قاشىقتىققا ارنالعان بالليستيكالىق راكەتانى ديەگو-گارسيا بازاسىنا باعىتتاعانىن حابارلاعان ەدى. دەگەنمەن، دەرەككوزدەر راكەتالاردىڭ ەشقايسىسى نىساناعا تيمەگەنىن ايتتى.
يزرايل قارۋلى كۇشتەرى باس شتابىنىڭ جەتەكشىسى ەيال زامير يران شابۋىلدى جاساعان راكەتالاردىڭ 4 مىڭ كيلومەترلىك قاشىقتىققا يە ەكى ساتىلى كونتينەنتارالىق بالليستيكالىق راكەتا ەكەنىن مالىمدەگەن. يزرايل اسكەري قىزمەتكەرىنىڭ ايتۋىنشا، راكەتالار يزرايلگە ەمەس، لوندون، پاريج، بەرلين سياقتى ەۋروپا استانالارىنا باعىتتالعان.
يراننىڭ رەسمي وكىلى بەكاي ناتو باس حاتشىسى مارك ريۋتتەدىڭ ءيزرايلدىڭ سوڭعى اقپاراتىن راستاماعانىنا نازار اۋدارىپ، بۇل جاعدايدى «باسقا ەلدىڭ تۋىن جەلبىرەتىپ جاسالعان وپەراتسيا» دەپ اتادى. ديپلومات الەمدى مۇنداي جالعان اقپاراتتاردان شارشاتاتىنىن ايتتى.
وسىلايشا، يران ءوز ارەكەتىنە قاتىستى بارلىق ايىپتاۋلاردى جوققا شىعارىپ، شابۋىلعا يزرايل جاۋاپتى ەكەنىن اتاپ ءوتتى.
