بايقوڭىر عارىش ايلاعىنان سويۋز زىمىرانىمەن ۇشىرىلعان ۇشقىشسىز عارىش كەمەسى «پروگرەسس م-94» ۇشۋ بارىسىندا انتەننالارىنىڭ ءبىرى اشىلمادى، دەپ حابارلايدى "ادىرنا" ۇلتتىق پورتالى.
ۇشۋ بايقوڭىر ۋاقىتى بويىنشا 16:59-دا جۇزەگە استى.
الايدا NASA مالىمەتىنشە، كەمە ۇشىرىلعاننان كەيىن KURS اۆتوماتتى قوسىلۋ انتەننالاردىڭ ءبىرى جوسپارلانعانداي اشىلماعان. قالعان جۇيەلەر شتاتتىق رەجيمدە جۇمىس ىستەۋدە.
«پروگرەسس م-94» 24 ناۋرىز سەيسەنبى كۇنى ساعات 9:34-دە «پويسك» ءمودۋلىنىڭ «عارىشتىق» پورتىندا جوسپارلانعان مەجەگە جەتەدى دەپ كۇتىلۋدە.
«ەگەر انتەننانى اشۋ مۇمكىن بولماسا، كوسموناۆت سەرگەي كۋد-سۆەرچكوۆ TORU جۇيەسىن (قاشىقتان باسقارىلاتىن جۇيە) قولدانىپ، كەمەنى قولمەن مەجەگە اپارادى. TORU ءپۋلتى «زۆەزدا» قىزمەت مودۋلىندە ورنالاسقان جانە KURS ورنىنا رەزەرۆتىك جۇيە رەتىندە قولدانىلا الادى»، – دەلىنگەن حابارلامادا.
عارىش كەمەسى ستانتسيا ەكيپاجىنا ارنالعان شامامەن ءۇش توننا ازىق-تۇلىك، وتىن جانە جۇكتەردى جەتكىزەدى.
