بىشكەك قالاسىندا جوعارى لاۋازىمدى مەملەكەتتىك قىزمەتكەردىڭ قازاسىنا قاتىستى وقيعانىڭ ءمان-جايى انىقتالىپ جاتىر، دەپ حابارلايدى "ادىرنا" ۇلتتىق پورتالى.
الدىن الا مالىمەتتەرگە سۇيەنسەك، قايعىلى جاعداي قالا ماڭىنداعى چون-ارىق اۋىلىندا، بانكەت زالىنىڭ جانىندا بولعان. 15 ناۋرىز كۇنى كەشكى ساعات 23:00 شاماسىندا جەدەل جاردەم قىزمەتىنە كولىك ىشىندە ەر ادامنىڭ ءوزىن اتىپ ولتىرگەنى تۋرالى حابارلاما تۇسكەن.
وقيعا ورنىنا جەدەل-تەرگەۋ توبى دەرەۋ جەتىپ، مارقۇمنىڭ جەكە باسىن انىقتادى. قازا تاپقان ادامنىڭ قۇبانىشبەك قاپالوۆ ەكەنى بەلگىلى بولدى. ول قىرعىزستان باس پروكۋراتۋراسى جانىنداعى سوت ورىنداۋشىلارى قىزمەتى باسشىسىنىڭ ورىنباسارى قىزمەتىن اتقارعان.
قۇقىق قورعاۋ ورگاندارىنىڭ الدىن الا بولجامى بويىنشا، شەنەۋنىك ءوز-وزىنە قول جۇمساعان.
قازىرگى ۋاقىتتا وقيعانىڭ بارلىق ءمان-جايى جان-جاقتى تەكسەرىلىپ جاتىر. تەرگەۋ امالدارى جالعاسۋدا.
