قوناەۆ قالاسىنىڭ قۇرمەتتى ازاماتى، بەلگىلى كاسىپكەر مۇرات سىرگەباەۆ رەسپۋبليكالىق رەفەرەندۋم كۇنى ەرەكشە باستاما كوتەرىپ، رەتروكولىكتەردەن قۇرالعان اۆتوشەرۋ ۇيىمداستىردى.
قالا كوشەلەرىمەن ءجۇرىپ وتكەن ءسانى كەلىسكەن كونە اۆتوموبيلدەر كوپشىلىكتىڭ نازارىن اۋداردى. سيرەك كەزدەسەتىن رەتروكولىكتەردى كورگەن تۇرعىندار قىزىعا قاراپ، سۋرەتكە ءتۇسىپ، ەرەكشە اسەر الدى. كوپشىلىك ءۇشىن بۇل كۇن تەك ماڭىزدى ساياسي وقيعا عانا ەمەس، سونىمەن بىرگە كوتەرىڭكى كوڭىل كۇي سىيلاعان مەرەكەلىك ساتكە اينالدى. وسىلايشا، قوناەۆ قالاسىندا جاعىمدى، ءپوزيتيۆتى اتموسفەرا قالىپتاستى.
ايتا كەتۋ كەرەك، مۇرات سىرگەباەۆ – قالادا ءوز كاسىبىن تابىستى جۇرگىزىپ وتىرعان ءىرى كاسىپكەرلەردىڭ ءبىرى. ول قايىرىمدىلىق شارالارىنا بەلسەندى قاتىسىپ، شاھاردىڭ قوعامدىق ومىرىنە تۇراقتى تۇردە ۇلەس قوسىپ كەلەدى. سونىمەن قاتار قالاداعى ەرەكشە نىسانداردىڭ ءبىرى – رەتروكولىكتەر مۋزەيىنىڭ نەگىزىن قالاعان.
ەلگە سىڭىرگەن ەڭبەگى مەن قوعامدىق بەلسەندىلىگى ءۇشىن ول قوناەۆ قالاسىنىڭ قۇرمەتتى ازاماتى اتاعىنا يە بولعان.
كاسىپكەر رەفەرەندۋم كۇنى ءوز ۋچاسكەسىنە بارىپ، ازاماتتىق تاڭداۋىن دا جاسادى.
«بۇگىن مەن رەسپۋبليكالىق رەفەرەندۋمعا كەلىپ، ءوز داۋىسىمدى بەردىم. كاسىپكەر رەتىندە ەلىمىزدەگى تۇراقتىلىق پەن زاڭ ۇستەمدىگى بيزنەستىڭ دامۋىنا تىكەلەي اسەر ەتەتىنىن جاقسى تۇسىنەمىن. مەملەكەتىمىزدىڭ دامۋىنا قاتىستى ماڭىزدى شەشىمدەر قابىلداناتىن كەزدە ءبارىمىزدىڭ جۇمىلعانىمىز دۇرىس»، – دەدى مۇرات سىرگەباەۆ.
