اقش-تىڭ ميچيگان شتاتىنداعى ۋەست-بلۋمفيلد قالاسىندا قارۋلى ەر ادام سيناگوگاعا كولىكپەن سوعىپ، وق اتتى. سالدارىنان كولىك ورتەنگەن. بۇل تۋرالى اقش فەدەرالدىق تەرگەۋ بيۋروسى مەن شتات پوليتسياسى مالىمدەدى، دەپ حابارلايدى "ادىرنا".
سيناگوگا جانىندا بالاباقشا دا ورنالاسقان. وقيعا ورنىنان تۇرعىندارعا الشاق بولۋ جانە كەم دەگەندە ءبىر شاقىرىم راديۋستا قاۋىپسىز جەردە قالۋ ۇسىنىلدى.
وكلەند وكرۋگىنىڭ شەريفى مايكل بۋشار جانە ۋەست-بلۋمفيلد پوليتسيا باستىعى دەيل يانگ مالىمدەگەندەي، بەلگىسىز ەر ادام سيناگوگاعا جاقىنداعان، قاۋىپسىزدىك قىزمەتىنىڭ قىزمەتكەرلەرى وعان اتقان. اتىس ناتيجەسىندە شابۋىل جاساعان ادام قازا بولدى، ال سيناگوگاداعى ادامدار مەن قىزمەتكەرلەر اراسىندا زارداپ شەككەندەر جوق.
قۇقىق قورعاۋ ورگاندارى شابۋىلشىنىڭ جالعىز بولعانىن نەمەسە باسقا ادامدار قاتىسقانىن تەكسەرىپ جاتىر. ازىرگە وقيعا تەرروريستىك اكت دەپ رەسمي تانىلعان جوق، بىراق وكرۋگتەگى بارلىق ەۆرەي ۇيىمدارىنىڭ قاۋىپسىزدىگى كۇشەيتىلدى.
جانىنداعى مەكتەپتەر لوكداۋن رەجيمىنە كوشىرىلدى. وقيعا ورنىندا پوليتسيا، ارنايى بولىمشەلەر جانە دارىگەرلەر جۇمىس ىستەپ جاتىر. اۋەدەن تۇسىرىلگەن كادرلاردا عيماراتتان شىققان قالىڭ ءتۇتىن جانە توتەنشە شىعىستار ارقىلى ادامداردىڭ شىققانى كورىندى.
