Oqu-aǧartu ministrı Jūldyz Süleimenova İranda oquşy qyzdardyŋ qaza tabuyna bailanysty köŋıl bıldırdı, dep habarlaidy «Adyrna» tılşısı.
«İranda bolǧan qaiǧyly oqiǧa – 160 mektep oquşy qyzdyŋ qaza tabuy turaly suyt habardy tereŋ küizelıspen qabyldadym. Beibıt künde bılım alyp, bolaşaqqa qadam basuy tiıs balalardyŋ ömırınıŋ üzıluı – barşa adamzat üşın orny tolmas qasıret.
Bala tärbiesımen ainalysatyn adam retınde balalar eşqaşan qandai da bır qaqtyǧystyŋ, janjaldyŋ nemese saiasi teketırestıŋ qūrbany bolmauy tiıs dep sanaimyn. Olardyŋ qauıpsızdıgı men amandyǧy – halyqaralyq qauymdastyq üşın de, är memleket üşın de eŋ basty qūndylyqtardyŋ bırı»,-dedı ol.
Ministr dauly mäselelerdı beibıt jolmen şeşu kerektıgın atap öttı.
«Memleket basşysy Qasym-Jomart Kemelūly Toqaev halyqaralyq mäselelerdı ärdaiym beibıt, diplomatiialyq jolmen şeşu qajettıgın ünemı aityp keledı. Būl – adam ömırın, äsırese balalardyŋ bolaşaǧyn qorǧauǧa baǧyttalǧan salmaqty ärı däiektı ūstanym. Men būl közqarasty tolyq qoldaimyn. Qaza bolǧan irandyq balalardyŋ ata-analary men jaqyndaryna köŋıl aitamyn»,-dep tüiındedı Süleimenova.
