رەسەيدە 27 اقپاندا 13 وڭىردە «زىمىران قاۋپى» رەجيمى ەنگىزىلدى، دەپ حابارلايدى "ادىرنا" ۇلتتىق پورتالى DW-عا سىلتەپ.
The Moscow Times دەرەگىنشە، كوپشىلىگى ۋكراينامەن شەكارالاس ەمەس ايماقتار بولىپ تابىلادى.
قاۋىپ تۋرالى تاتارستان، باشقۇرتستان، چۋۆاشيا، ۋدمۋرتيا، پەرم ولكەسى، سامارا، ۋليانوۆسك، پەنزا، ساراتوۆ، ورىنبور، سۆەردلوۆسك، روستوۆ جانە كۋرسك وبلىستارىنىڭ بيلىگى حابارلادى.
وسى وڭىرلەردىڭ كەمىندە سەگىزىندە بۇل رەجيم العاش رەت رەسەيدىڭ ۋكرايناعا تولىق ماسشتابتى شابۋىل باستاعاننان كەيىن ەنگىزىلدى. كەيبىر قالالاردا قوعامدىق كولىك قىزمەتى ۋاقىتشا توقتاتىلدى. ال قازان، يجەۆسك جانە ساماراداعى كۋرۋموچ اۋەجايىندا ادامدار ەۆاكۋاتسيالاندى.
چۋۆاشيا بيلىگى ەكى راكەتانىڭ ۇشىرىلعانىن حابارلاعانىمەن، كەيىن بۇل اقپاراتتى جوققا شىعارعان.
روستوۆ وبلىسىنىڭ گۋبەرناتورى يۋري سليۋسار حابارلاعانداي، تاگانروگ قالاسىندا «راكەتا قالدىقتارىنىڭ قۇلاۋىنان» تسيولكوۆسكي كوشەسىندەگى كوپقاباتتى ءۇيدىڭ بالكونى جارتىلاي وپىرىلىپ تۇسكەن. باق-تا تاراعان اقپاراتقا سايكەس، زارداپ شەككەندەر جوق.
