مەملەكەت باسشىسى قاسىم-جومارت توقاەۆ قاۋىپسىزدىك كەڭەسىنىڭ حاتشىسى عيزات نۇرداۋلەتوۆكە يرانداعى احۋالدىڭ ۋشىعۋىنا بايلانىستى شۇعىل شارالار جوسپارىن ازىرلەۋدى تاپسىردى، دەپ حابارلايدى "ادىرنا" ۇلتتىق پورتالى.
پرەزيدەنت تاپسىرماسىنا سايكەس، قۇجات كۇشتىك قۇرىلىمدار مەن سالالىق مينيسترلىكتەردىڭ جەتەكشىلەرىنىڭ قاتىسۋىمەن دايىندالۋى ءتيىس. نەگىزگى ماقسات – سىرتقى قاۋىپتەردىڭ ەل ىشىندەگى تۇراقتىلىققا ىقپال ەتۋ ىقتيمالدىعىن الدىن الا باعالاپ، ءتيىستى الدىن الۋ شارالارىن قابىلداۋ.
مەملەكەت باسشىسىنىڭ ءباسپاسوز حاتشىسى ايبەك سمادياروۆتىڭ مالىمەتىنشە، قازىرگى ۋاقىتتا بارلىق كۇشتىك قۇرىلىمدار تاۋلىكتىك جۇمىس رەجيمىنە كوشىرىلگەن. سونىمەن قاتار ۇكىمەت جانىنان قازاقستاننىڭ سىرتقى ىستەر مينيسترلىگى جەتەكشىلىك ەتەتىن ارنايى مونيتورينگ توبى قۇرىلعان.
ءوڭىر اكىمدەرىنە دە تاياۋ شىعىستاعى جاعدايدى ەسكەرە وتىرىپ، جەدەل شەشىمدەر قابىلداۋ تاپسىرىلدى.
