يزرايل اۋە كۇشتەرى تەگەران قالاسىندا يراننىڭ جوعارى باسشىسى اياتوللا حامەنەيدىڭ رەزيدەنتسياسىنا جانە يسلام رەۆوليۋتسياسى ساقشىلارى كورپۋسىنىڭ بارلاۋ شتابىنا سوققى جاسادى، دەپ حابارلايدى "ادىرنا" ۇلتتىق پورتالى.
باق مالىمەتىنشە، بارلىعى 30-دان استام نىسان نىساناعا الىنعان، سونىڭ ىشىندە تەگەران اۋەجايى دا بار.
Reuters دەرەگىنشە، يراننىڭ جوعارعى باسشىسى الي حامەنەي استانادا بولماعان، ونى قاۋىپسىز جەرگە كوشىرۋ جۇمىستارى جۇرگىزىلگەن. يزرايل قورعانىس مينيسترلىگى بۇل وپەراتسيانىڭ اقش-پەن بىرلەسىپ وتكىزىلگەنىن راستادى. يزرايل قورعانىس ءمينيسترى يسراەل كاتس سوققىنىڭ الدىن الۋ ماقساتىندا جاسالعانىن ايتتى.
يران تاراپىنان ۇشقىشسىز ۇشۋ اپپاراتتارى ارقىلى جاۋاپ سوققىسى مۇمكىن ەكەنى ايتىلعان. يزرايل مەن يراك اۋە كەڭىستىگىن جاپتى.
ال اقش پرەزيدەنتى دونالد ترامپ يران اسكەرىن قارۋىن تاستاۋعا شاقىردى.
دونالد ترامپ ءيزرايلدىڭ اۋە سوققىسىنان كەيىن يرانعا ۇندەۋ جاساپ، قورعانىس كورپۋسى، قارۋلى كۇشتەر مەن پوليتسيا قىزمەتكەرلەرىن قارۋدى تاستاپ، تولىق قاۋىپسىزدىككە يە بولۋعا شاقىردى.
"بۇگىن كەشكە مەن قورعانىس كورپۋسىنىڭ وفيتسەرلەرى، قارۋلى كۇشتەر مەن بارلىق پوليتسيا قىزمەتكەرلەرىنە ۇندەۋ جاسايمىن: قارۋدى تاستاڭىزدار دا، تولىق قاۋىپسىزدىككە يە بولىڭىزدار. ايتپەسە، سىزدەرگە ءولۋدىڭ الدىن الۋ مۇمكىن ەمەس", – دەدى ترامپ.
