قازاقستاندا پارلامەنت تاراتىلعان جاعدايدا دەپۋتاتتار ءۇشىن ارنايى تولەم ءتارتىبى بەلگىلەنگەن، دەپ حابارلايدى "ادىرنا" ۇلتتىق پورتالى.
قر ورتالىق سايلاۋ كوميسسياسىنىڭ مالىمەتىنشە، دەپۋتاتتار جاڭا جۇمىسقا ورنالاسا الماسا، ولار تاعى ءۇش اي بويى تولىق جالاقى الادى.
ۆەدومستۆو تولەم دەپۋتات جاڭا قىزمەتكە كىرىسكەنگە نەمەسە زەينەتكەرلىك جاسقا تولعانعا دەيىن جالعاساتىنىن حابارلادى. دەگەنمەن، مەرزىم ءۇش ايدان اسپاۋى ءتيىس. بۇل نورما «قازاقستان رەسپۋبليكاسىنىڭ پارلامەنتى جانە ونىڭ دەپۋتاتتارىنىڭ مارتەبەسى تۋرالى» كونستيتۋتسيالىق زاڭنىڭ 30-بابى، 5-1-تارماعىندا كورسەتىلگەن.
وسىلايشا، جاڭا پارلامەنت قۇرامىنا دەيىن بۇرىنعى دەپۋتاتتار قارجىلىق تۇرعىدان قولداۋسىز قالمايدى. قازىرگى دەپۋتاتتاردىڭ وكىلەتتىگى بيىل 1 شىلدەدە اياقتالادى، ال جاڭا كونستيتۋتسيا جوباسى قابىلدانسا، 1 قىركۇيەكتەن باستاپ قۇرىلتاي جۇمىسى باستالادى.
