الماتىدا قوعام بەلسەندىسى ورازالى ەرجانوۆقا قاتىستى قىلمىستىق ءىس قوزعالدى، دەپ حابارلايدى "ادىرنا" ۇلتتىق پورتالى قازتاگ اگەنتتىگىنە سىلتەپ.
قالالىق پوليتسيا دەپارتامەنتىنىڭ مالىمەتىنشە، الەۋمەتتىك جەلىلەردە شىندىققا سايكەس كەلمەيتىن اقپارات تاراتىلىپ، رەفەرەندۋمعا بويكوت جاساۋعا شاقىرۋلار جاريالانعان. وسىعان بايلانىستى «سايلاۋ قۇقىقتارىن جۇزەگە اسىرۋعا كەدەرگى كەلتىرۋ» فاكتىسى بويىنشا قىلمىستىق ءىس تىركەلگەن
«كۇدىكتى – الماتى قالاسىنىڭ تۇرعىنى. ول ۇستالدى. ونىڭ ارەكەتتەرىنە قۇقىقتىق باعا تەرگەۋ ناتيجەسىندە بەرىلەدى»، – دەپ حابارلادى ۆەدومستۆو.
پوليتسيا وكىلدەرى ازاماتتاردىڭ ءوز پىكىرىن ءبىلدىرۋى زاڭ بۇزۋشىلىق ەمەس ەكەنىن اتاپ ءوتتى. الايدا جالعان اقپارات تاراتۋ، قوعامدى اداستىرۋ نەمەسە سايلاۋ پروتسەسىنە كەدەرگى كەلتىرۋ زاڭمەن جاۋاپكەرشىلىككە اكەلەتىنىن ەسكەرتتى.
بۇعان دەيىن ورازالى ەرجانوۆتىڭ 10 تاۋلىككە قاماۋعا الىنعانى بەلگىلى بولعان.
سوڭعى ۋاقىتتا كونستيتۋتسياعا وزگەرىستەر ەنگىزۋ ماسەلەسىنە قاتىستى سىن ايتقان ازاماتتار مەن بەلسەندىلەرگە قاتىستى بىرقاتار جاعدايلار تىركەلگەنى حابارلانعان.
