مەملەكەت جانە قوعام قايراتكەرى التىنبەك سارسەنبايۇلىن ولتىرۋگە تاپسىرىس بەرگەن ادام نازارباەۆ ەمەس. بۇل تۋرالى بەلگىلى ساياساتتانۋشى ءارى ءماجىلىس دەپۋتاتى ايدوس سارىم «Sadaq media» ارناسىنا بەرگەن سۇحباتىندا ايتتى، دەپ حابارلايدى «ادىرنا» ءتىلشىسى.
ونىڭ ايتۋىنشا، التىنبەكتىڭ قازاسىن نۇرسۇلتان نازارباەۆقا تەلۋدىڭ قاجەتى جوق. سەبەبى – ناقتى دالەل جوق.
«كەزىندە رىسبەك سارسەنباەۆ اعامىز ەموتسيامەن ءبىراز دۇنيەنى ايتىپ جىبەردى. ءالى دە ايتىپ ءجۇر. بىراق وعان دالەل جوق قوي. ول جەردە نازارباەۆتىڭ قۇلاعى كورىنۋى مۇمكىن. بىراق ادىلەت دەگەن بولۋى ءتيىس قوي، جوبالاپ، ىمداپ بولسا دا دالەلدەي العان ادام جوق. مەن ءوز باسىم التىنبەكتىڭ ءولىمىن راحات اليەۆكە جاقىنداتام. التىنبەكپەن جىلداپ ارالاسقان، ءالى كۇنگە دەيىن سول ورتادا جۇرگەن ءبىراز ازاماتپەن ارالاسام. بىراق ولاردىڭ ەشقايسىسى دا تىكەلەي نازارباەۆتان كورىپ جاتقان جوق.
بۇل - رىسبەكتىڭ ءوزىنىڭ ۇستانىمى، ءوزىنىڭ جەكە پىكىرى. كەزىندە التىنبەكتىڭ جانىندا جۇرگەن، قاعازىن جازىپ بەرىپ جۇرگەن - رىسبەك ەمەس، مەن بولاتىنمىن. مەن ونى جاقسى بىلەمىن»، - دەيدى ايدوس سارىم.
سونداي-اق ول التىنبەك سارسەنبايۇلىنىڭ كەزىندە وتە كەكشىل بولعانىن ايتادى. بىراق ۋاقىت وتە كەلە وزگەرگەن.
«التىنبەك وتە كەكشىل ادام بولدى. كوپ ادامدى جەك كوردى. سولاردىڭ ءبىرى سەرىك ءابدراحمانوۆ ەدى. ەكىنشىسى بالتاش تۇرسىنباەۆ بولاتىن. بىراق ۋاقىت وتە كەلە وزگەردى، سانالى عۇمىرىندا ءوزىنىڭ جەك كورەتىن ادامدارمەن تاتۋلاسىپ، سولاردىڭ دەڭگەيىنە ءتۇسىپ، سويلەسكەنىن كوردىم»، - دەيدى دەپۋتات.
