قازاقستان ۇكىمەتى "كاسپي تەڭىزى قازاق عىلىمي-زەرتتەۋ ينستيتۋتى" اق-عا 1,1 ملرد تەڭگە ءبولۋدى ماقۇلدادى، دەپ حابارلايدى "ادىرنا" ۇلتتىق پورتالى.
بۇل شەشىم پرەزيدەنتتىڭ كاسپيدى زەردەلەۋ، ساقتاۋ جانە ءوڭىردىڭ ەكولوگيالىق تۇراقتىلىعىن قولداۋ جونىندەگى تاپسىرماسىن ورىنداۋ اياسىندا قابىلداندى.
ءتيىستى قاۋلىعا پرەمەر-مينيستر ولجاس بەكتەنوۆ قول قويعان. قارجىلاندىرۋ ينستيتۋتتىڭ عىلىمي الەۋەتىن ارتتىرۋعا باعىتتالعان. بولىنگەن قاراجاتقا تەڭىزدە مونيتورينگ جۇرگىزۋ ءۇشىن نەگىزگى جابدىقتاردى ساتىپ الۋ، سونداي-اق گيدروبيولوگيالىق جانە گيدروحيميالىق زەرتحانالاردى جاراقتاندىرۋ جوسپارلانعان.
قاۋلىنى ىسكە اسىرۋ ءۇشىن ەكولوگيا جانە تابيعي رەسۋرستار مينيسترلىگى بارلىق قاجەتتى شارالاردى قابىلدايدى، ال قارجى مينيسترلىگى بيۋدجەت قاراجاتىنىڭ ماقساتتى پايدالانىلۋىن قاتاڭ باقىلاۋعا الادى.
كاسپي تەڭىزى قازاق عىلىمي-زەرتتەۋ ينستيتۋتى 2024 جىلى قۇرىلدى.
