فوتو جي كومەگىمەن جاسالعان
قىرعىزستان ۇكىمەتى 2027 جىلعى 1 اقپانعا دەيىن ەلگە الما يمپورتتاۋعا ۋاقىتشا تىيىم ەنگىزدى، دەپ حابارلايدى “ادىرنا” ءتىلشىسى.
قىرعىزستان ۇكىمەتىنىڭ مالىمەتىنشە، شەشىم وتاندىق باۋ-باقشا شارۋاشىلىقتارىن قولداۋ، 2026 جىلعى الما ءونىمىن ۋاقىتىلى وتكىزۋگە جاعداي جاساۋ جانە سالانىڭ وندىرىستىك الەۋەتىن ساقتاۋ ماقساتىندا قابىلدانعان.
شەكتەۋ ءۇشىنشى ەلدەردەن، سونداي-اق ەۋرازيالىق ەكونوميكالىق وداققا (ەاەو) مۇشە مەملەكەتتەردەن الما جەتكىزۋگە قاتىستى.
الايدا تىيىم ترانزيتتىك تاسىمالعا جانە ءتيىستى شەشىم قابىلدانعانعا دەيىن قىرعىزستانعا جونەلتىلگەن الماعا قولدانىلمايدى.
بۇعان دەيىن قىرعىزستاندا كارتوپ پەن قانت يمپورتىنا دا ۋاقىتشا شەكتەۋ ەنگىزۋ ۇسىنىلعان.
ۇقساس جاڭالىقتار
