قازاقستاندىق سپورتشىلار شاڭعى اكروباتيكاسىنان جەتى ورىنعا جايعاستى، دەپ حابارلايدى “ادىرنا” ۇلتتىق پورتالى.
يتاليادا ءوتىپ جاتقان 2026 جىلعى قىسقى وليمپيادا ويىندارىندا قازاقستاندىق فريستايلشىلار مەدالعا قول جەتكىزە المادى.
شاڭعى اكروباتيكاسىنان ارالاس كوماندالار اراسىنداعى تۋرنير 21 اقپان كۇنى ءوتتى.
جارىسقا جەتى ۇلتتىق قۇراما قاتىسىپ، ءار كوماندانىڭ ساپىندا ءۇش سپورتشىدان ونەر كورسەتتى.
قازاقستان قۇراماسى ساپىندا ايانا جولداس، رومان يۆانوۆ جانە اسىلحان اسان سىنعا ءتۇستى. ىرىكتەۋ كەزەڭىندە ءار سپورتشى ءبىر-ءبىر سەكىرۋدەن ورىندادى.
قورىتىندىسىندا 213,93 ۇپاي جيناعان قازاقستان قۇراماسى جەتىنشى ورىنعا تۇراقتاپ، فينالعا وتە المادى. فينالدىق كەزەڭگە ۇزدىك ءتورت كوماندا جولداما الدى. مەدال ءۇشىن باسەكەنى اقش، قىتاي، اۆستراليا جانە شۆەيتساريا قۇرامالارى جالعاستىردى.
