AQŞ prezidentı Donald Tramp jahandyq deŋgeide 10% qosymşa baj salyǧyn engızetının mälımdedı, dep habarlaidy "Adyrna" ūlttyq portaly Reuters-ke sıltep.
Būl turaly ol arnaiy şaqyrylǧan baspasöz konferensiiasynda aitty.
Tramp būl şeşımın AQŞ joǧary sotynyŋ tarifterge qatysty şeşımıne jauap retınde qabyldap otyrǧanyn jetkızdı. Ol sot şeşımın «öte köŋıl könşıtpeitın» dep baǧalady.
Reuters agenttıgınıŋ mälımetınşe, jaŋa baj salyǧy qoldanystaǧy tarifterge qosymşa retınde engızılıp, 150 kün boiy küşınde bolady.
Būǧan deiın AQŞ Joǧarǧy soty Tramptyŋ bırqatar elderge qatysty bırjaqty engızgen baj salyǧyn zaŋsyz dep tanyǧan. Sudialar tarifterdı engızu qūqyǧy tek Kongreske tiesılı ekenın atap ötken.
Al Germaniia ükımetı atalǧan şeşımdı nazarǧa alǧanyn habarlap, AQŞ äkımşılıgımen bailanys ornatyp, aldaǧy qadamdarǧa qatysty naqty tüsınık aluǧa tyrysyp jatqanyn mälımdedı.
