Шығыс Қазақстан облысы әкімінің бірінші орынбасары Жақсылық Омарға қатысты сотқа дейінгі тергеу басталды. Ақпаратты Ұлттық қауіпсіздік комитеті растады, деп хабарлайды «Адырна» тілшісі.
«Сотқа дейінгі тергеу жүргізіліп жатыр. Қазақстан Республикасының Қылмыстық-процестік кодексінің 201-бабына сәйкес басқа ақпарат жарияланбайды», – делінген хабарламада.
Бұған дейін әлеуметтік желілерде Жақсылық Омардың ұсталғаны жөнінде ақпарат тараған болатын. Облыс әкімдігі лауазымды тұлға денсаулығына байланысты уақытша еңбек демалысын алғанын айтқан еді.
Жақсылық Омар 2025 жылдың қараша айының соңында Өскемен қаласының әкімі қызметінен кеткен. Кейін ол Шығыс Қазақстан облысы әкімінің бірінші орынбасары болып тағайындалған.
Related news
Candidate for the President of the Republic of Kazakhstan Meyram Kazhiken met with Shymkent students
