رۇستەم قاراعويشين مەملەكەت باسشىسىنىڭ ۇلتتىق كومپانيا قىزمەتكەرلەرىنىڭ جۇمىسىنا قاتىستى ايتقان سىنىنا جاۋاپ بەردى، دەپ حابارلايدى "ادىرنا" ۇلتتىق پورتالى.
بۇعان دەيىن قاسىم-جومارت توقاەۆ ۇكىمەتتىڭ كەڭەيتىلگەن وتىرىسىندا كەيبىر ۇلتتىق كومپانيالاردا قىزمەتكەرلەردىڭ جۇمىسقا جەتكىلىكتى دەڭگەيدە جۇكتەلمەيتىنى تۋرالى سىن ايتقان ەدى.
پرەزيدەنتتىڭ ايتۋىنشا، جەكەلەگەن قىزمەتكەرلەر ناقتى جۇمىس ىستەۋدىڭ ورنىنا بوس ۋاقىت وتكىزىپ، الەۋمەتتىك جەلىلەردە پىكىرتالاسقا ءتۇسىپ وتىرادى. سونىمەن قاتار مەملەكەت باسشىسى سامۇرىق-قازىنا قورى مەن ۇلتتىق كومپانيالاردىڭ قۇرىلىمىن قايتا قاراپ، تيىمدىلىگىن ارتتىرۋ قاجەتتىگىن اتاپ وتكەن.
ۇكىمەتتەگى بريفينگ بارىسىندا جۋرناليستەر بۇل ماسەلەگە قاتىستى سۇراقتى حولدينگ باسشىسىنا جولدادى. رۇستەم قاراعويشيننىڭ ايتۋىنشا، حولدينگ قىزمەتكەرلەرى تۇراقتى تۇردە جۇمىس ىستەيدى جانە كوپ جاعدايدا قوسىمشا ۋاقىت جۇمىس ىستەۋگە ءماجبۇر بولادى.
"بايتەرەكتەگى" ءبىزدىڭ قىزمەتكەرلەر ۇنەمى جۇمىستا، كەيدە ءتىپتى ارتىق جۇمىس ىستەپ جاتادى. بۇل دا ولاردىڭ موينىنا قوسىمشا سالماق تۇسىرەدى. مەن قىزمەتكەرلەرىمىزدىڭ ءبىر جەردە كوفە ءىشىپ، الدەبىر تالقىلاۋلار جۇرگىزىپ وتىرعانىن كورمەدىم. سوندىقتان مۇنداي جاعدايدى بايقامادىم", - دەدى قاراعويشين.
