پرەزيدەنت قاسىم-جومارت توقاەۆ 20 قاڭتار 2026 جىلى ۇلتتىق قۇرىلتايدىڭ V وتىرىسىندا جالپىۇلتتىق رەفەرەندۋمنىڭ كۇنىن كونستيتۋتسيالىق كوميسسيا جۇمىسى اياقتالعاننان كەيىن انىقتالاتىنىن حابارلادى، دەپ جازادى "ادىرنا" ءتىلشىسى.
مەملەكەت باسشىسىنىڭ ايتۋىنشا، باستاپقىدا پارلامەنتتىك رەفورمالار اياسىندا كونستيتۋتسيانىڭ شامامەن 40 بابىنا تۇزەتۋلەر ەنگىزۋ جوسپارلانعان بولاتىن.
«الايدا جۇمىس بارىسىندا تۇزەتۋلەر سانى ەداۋىر ارتىپ كەتتى. 2022 جىلعى رەفورمادا 33 باپ جاڭارتىلعان ەدى. ال قازىر وزگەرىستەر ودان دا اۋقىمدى. ءبىز ءىس جۇزىندە جاڭا كونستيتۋتسيا قابىلداۋعا بەت العالى وتىرمىز. سوندىقتان مەن كونستيتۋتسيالىق كوميسسيا قۇرۋ تۋرالى شەشىم قابىلدادىم. ەرتەڭ ءتيىستى جارلىققا قول قويامىن»، – دەدى توقاەۆ.
كوميسسيا قۇرامىنا 100-دەن استام ازامات كىرەدى، ولاردىڭ قاتارىندا ۇلتتىق قۇرىلتاي مۇشەلەرى، بەلگىلى زاڭگەرلەر، باق جەتەكشىلەرى، ماسليحات توراعالارى، ۇكىمەتتىك ەمەس ۇيىمدار مەن باسقا دا بىلىكتى ماماندار بولادى. كوميسسيا جۇمىسىنا كونستيتۋتسيالىق سوت توراعاسى جەتەكشىلىك ەتەدى.
«كوميسسيا بارلىق ۇسىنىستاردى تالداپ، جۇيەلەپ، ناقتى تۇزەتۋلەر جوباسىن ازىرلەيدى. سودان كەيىن جالپىۇلتتىق رەفەرەندۋمنىڭ داتاسى بەلگىلەنەدى»، – دەپ تولىقتىردى پرەزيدەنت.
